Landhelgisgæslunni barst kl. 17:08 beiðni frá slökkviliðinu í Borgarbyggð um aðstoð þyrlu LHG vegna sinubruna við bæinn Gröf í Lundarreykjadal. TF-LIF var komin á staðinn kl. 18:10 og logaði þá talsverður eldur á svæðinu. Alls voru farnar 22 ferðir til að sækja vatn í slökkviskjóðuna og sást fljótt árangur.

Þyrla Landhelgisgæslunnar var kölluð út síðdegis í dag eftir að vélsleðaslys varð í Veiðivötnum. Áætlað er að þyrlan komi á staðinn um kl. 17:00.

Carl Bildt, utanríkisráðherra Svíþjóðar kom í stutta heimsókn til Landhelgisgæslunnar í dag áður en hann hélt af landi brott. Ráðherrann kom í fylgd Anders Ljunggren sænska sendiherrans á Íslandi, heimsóttu þeir starfsemi flugdeildarinnar í Reykjavík og kynntu sér skipulag loftrýmisgæslu og eftirlits hér við land.

Þyrla Landhelgisgæslunnar TF-GNA sótti í gærkvöldi skipverja sem slasaðist um borð í togara sem var staðsettur um 20 sjómílur norðvestur af Grundarfirði. Beiðni um aðstoð þyrlunnar barst kl. 21:35 en þá var þyrlan við æfingar í Skjaldbreið og var strax flogið á staðinn. Komið var að skipinu kl 22:28 um 11 sjómílur norður af Ólafsvík

Talsverður erill var hjá Landhelgisgæslunni um helgina og voru loftförin kölluð út fjórum sinnum vegna leitar- björgunar- og sjúkraflugs. Auk þess var flogið með tæknimenn á Straumnesfjall vegna vinnu við fjarskiptabúnað, farið  í eftirlits- og löggæsluflug um Faxaflóa, Breiðafjörð og Vestfirði og flogið út að Hornbjargi til að kanna friðlandið.

Varðskipið Þór var um helgina til sýnis fyrir bæjarbúa og nágrannasveitir Patreksfjarðar og kom um helmingur íbúa um borð en um 650 manns búa í bæjarfélaginu. Þórir Sveinsson, starfandi bæjarstjóri tók á móti skipinu fyrir hönd sveitarfélagsins og leiddi síðan áhöfn varðskipsins gestina um skipið, kynntu tækjabúnað og verkefni þess. 

Flugvél og þyrla Landhelgisgæslunnar voru í gærkvöldi kallaðar út til leitar eftir að tilkynning barst um neyðarblys yfir Vatnajökli, upp af Jökulheimum.  Einnig voru björgunarsveitir Slysavarnarfélagsins Landsbjargar kallaðar til leitar á svæðinu. TF-LÍF fór í loftið kl. 22:28 og var byrjað að leita á svæðinu kl. 23:25. Flugvélin TF-SIF fór í loftið kl. 01:20 og var óskað eftir að flugvélin myndi leita Tungnársvæði með hitamyndavél. Leit hófst kl. 01:47

Landhelgisgæslunni barst í morgun beiðni frá heilbrigðisyfirvöldum í Danmörku um að flugvél Landhelgisgæslunnar, TF-SIF myndi sækja til Færeyja alvarlega veikan mann sem nýverið slasaðist í bílslysi. Þar sem aðrir aðilar gátu ekki tekið að sér sjúkraflugið var leitað til Landhelgisgæslunnar en nauðsynlegt var fyrir sjúklinginn að gangast undir læknismeðferð hér á landi.

Varðskipið Þór er væntanlegt  til Patreksfjarðar um helgina og er áætlað að skipið verði opið til sýnis á laugardag frá kl. 13:00-16:00. Áhöfn varðskipsins mun leiða gesti um skipið, segja frá tækjabúnaði og getu þess.  Landhelgisgæslan hvetur fólk til að koma um borð og skoða hið glæsilega varðskip sem er bylting í vöktun, öryggismálum,  leit og björgun innan íslenska hafsvæðisins.

Landhelgisgæslan og Fiskistofa fóru í vikunni í sameiginlegt eftirlit með fiskveiðum í Faxaflóa, vestur og suð-vestur af Reykjanesskaga. Ágætt veður var á svæðinu og fjöldinn allur af fiskiskipum og fiskibátum á sjó.

Upplýsingar voru að berast Landhelgisgæslunni í dag að annar neyðarsendir sem tilheyrir draugaskipinu Luybov Orlova hafi farið í gang þann 8. mars s.l. og er hann enn að senda frá sér staðsetningarupplýsingar.  Þessar staðsetningar eru ekki langt frá þeim stað þar sem annar neyðarsendir frá skipinu fór í gang 25. febrúar.  Núverandi staðsetning sendisins er 685 sjómílur aust-norð-austur af Nýfundnalandi en staðsetning sendisins undir lok febrúar var um 700 sjómílur aust-norð-austur af Nýfundnalandi. 

Stjórnstöð Landhelgisgæslunnar hóf í morgun eftirgrennslan að fiskibát með einn mann um borð sem datt úr ferilvöktun. Varðstjórar reyndu að ná sambandi við bátinn í gegnum talstöðvar og síma en það bar ekki árangur. Haft var samband við nokkur símanúmer sem eru skráð á bátinn og reyndist eitt þeirra vera hjá aðstandanda sem varð órólegur.

Hér er mynd sem var tekin á varðskipinu Þór í síðastliðinni viku eftir að komið var í Ísafjarðardjúp. Að sögn skipherra gustaði vindur mest í 74 hnúta sem eru rúm 12 vindstig sem er yfir 35 m/sek eða fárviðri. „Annars fór skipið vel með þetta,  þó ekki mikill sjór fyrr en komið var að Barða en þar var mest 8 – 10 metra ölduhæð“.

Nú þegar veður batnandi fer og vorar í lofti eykst sjósókn þar sem bátasjómenn fara að hugsa sér til hreyfings og sigla til veiða.  Landhelgisgæslan vill minna sjómenn á að kanna gildistíma haffærisskírteina og vera með lögskráningar í lagi um borð áður en haldið er á sjó. Að undanförnu hefur talsvert borið á því að starfsmenn á aðgerðasviði Landhelgisgæslunnar hafi þurft að gera athugasemdir við ferðir báta á sjó.