Stjórnstöð Landhelgisgæslunnar barst tvívegis neyðarkall með stuttu millibili vegna elds um borð í strandveiðibátum. Þyrla Landhelgisgæslunnar var kölluð út í báðum tilfellum en ekki reyndist hætta á ferðum.

Áhorfendur á hinum árlega flugdegi á Akureyrarflugvelli urðu vitni að glæsilegu lágflugi P8 Poseidon flugvélar bandaríska sjóhersins á laugardag. 

Varðskipið Þór og TF-SIF, flugvél Landhelgisgæslunnar, hafa undanfarna daga fylgst með vinnu rannsóknarskipsins Seabed Worker sem kom inn í efnahagslögsöguna á föstudag. Umhverfisstofnun veitti Advanced Marine Services tveggja vikna viðbótarfrest í gær til áframhaldandi framkvæmda.

TF-SYN og TF-GNÁ, þyrlur Landhelgisgæslunnar, sinntu þremur útköllum um helgina.

Varðskipið Þór og TF-SIF, flugvél Landhelgisgæslunnar, fylgdust í gær með vinnu rannsóknarskipsins Seabed Worker sem kom inn í efnahagslögsöguna í gærmorgun. Skipið mun næstu daga leita að verðmætum í flaki þýska skipsins SS Minden sem sökk 24. september 1939 um 120 sjómílur suðaustur af Kötlutanga.

Varðskipið Þór er nú komið til Reykjavíkur með ísfisktogarann Akurey AK-10 sem varð vélarvana djúpt vestur af Vestfjörðum í gærmorgun. Siglingin til Reykjavíkur heppnaðist vel og tók tæpan sólarhring.

Varðskipið Þór er nú með ísfisktogarann Akurey AK 10 í togi á leið til hafnar í Reykjavík eftir að skipið varð vélarvana. Vel gekk að koma taug á milli skipanna en gert er ráð fyrir að Þór verði kominn með Akurey til Reykjavíkur um hádegisbil á morgun.

Sigurður Steinar Ketilsson, fyrrverandi skipherra, var í gær sæmdur heiðursmerki hinnar íslensku fálkaorðu fyrir framlag til landhelgisgæslu og björgunarstarfa.

Forseti Íslands, herra Guðni Th. Jóhannesson, steig á skipsfjöl á varðskipinu Þór síðdegis ásamt fylgdarliði. Forseti heimsækir Hrafnseyri við Arnarfjörð í fyrsta sinn síðan ​hann tók við embætti en áætlað er að Þór verði kominn vestur í fyrramálið.

TF-SIF, flugvél Landhelgisgæslunnar, fór í ískönnunareftirlit í dag. Flugið leiddi það í ljós að næst landi var hafísinn um þrjár sjómílur norðaustur af Horni en töluvert íshrafl er út frá meginísröndinni. 

Sigmenn Landhelgisgæslunnar höfðu veg og vanda af skipulagningu ráðstefnu EURORSA, Evrópusamtaka sig- og björgunarmanna, sem fram fór í Reykjavík nú um helgina. Æfing í ytri höfn Reykjavíkur var lokahnykkurinn á vel heppnaðri helgi.

Þyrlur Landhelgisgæslunnar, TF-GNA og TF-SYN, sinntu tveimur útköllum síðdegis í gær. Annars vegar var óskað eftir aðstoð þyrlu Landhelgisgæslunnar vegna drengs sem slasast hafði á Hellissandi og hins vegar var þyrlan kölluð út vegna sjómanns sem hafði orðið fyrir slysi suður af Hornafirði.

Vélarvana skemmtibátur sem staddur var á Breiðafirði óskaði eftir aðstoð Landhelgisgæslunnar laust eftir klukkan níu í morgun. Stjórnstöð Landhelgisgæslunnar kallaði sjómælingabátinn Baldur út en hann var staddur við Brjánslæk. Baldur dró bátinn til Brjánslækjar og var kominn þangað aftur með skemmtibátinn tæpri klukkustund eftir að útkallið barst.

TF-SIF, flugvél Landhelgisgæslunnar, hélt í ískönnunarleiðangur ásamt sérfræðingum frá Háskóla Íslands og Veðurstofunni í morgun. Þar kom í ljós að meginbrún hafíssins liggur nú um 23 sjómílur frá Kögri en ísdreifar sáust 2,5 sjómílur frá Horni. 

Ný gervitunglamynd sýnir að hafísinn sem verið hefur við landið virðist vera um 7 sjómílur frá Horni. TF-SIF, flugvél Landhelgisgæslunnar fer í ískönnunarleiðangur á morgun þar sem lega íssins verður skoðuð nánar. Mikilvægt er að sjófarendur séu meðvitaðir um legu íssins á þessum slóðum.