Landhelgisgæslan tók forskot á sæluna og hélt upp á konudaginn fyrir helgi. Við hjá Landhelgisgæslunni erum afar heppin að eiga svona frábærar samstarfskonur sem áttu það svo sannarlega skilið að hefja helgarfríið með smá dekri og óvæntum glaðningi. Kæru konur, innilega til hamingju með konudaginn.

Stjórnstöð Landhelgisgæslunnar barst á fimmta tímanum í dag neyðarkall frá tveimur erlendum göngumönnum á Tungnaárjökli. TF-SYN, þyrla Landhelgisgæslunnar, og björgunarsveitir á vegum Slysavarnafélagsins Landsbjargar voru þegar í stað kallaðar út. Mennirnir höfðu meðferðis neyðarsendi sem þeir virkjuðu en þeir voru orðnir kaldir og hraktir. Þyrla Landhelgisgæslunnar tók á loft frá Reykjavíkurflugvelli laust fyrir klukkan 17 og rúmri klukkustund síðar voru mennirnir komnir um borð í þyrluna. TF-SYN er nú á leið með göngumennina til Reykjavíkur.

Landhelgisgæslan hefur fengið þær upplýsingar frá Veðurstofu Íslands að von sé á óvenju mikilli ölduhæð vegna djúpu lægðarinnar sem nálgast nú landið.

Landhelgisgæslan vekur athygli á óvenju hárri sjávarstöðu í dag og næstu daga, en stórstreymt er þessa dagana. Samkvæmt útreiknuðum sjávarfallaspám sjómælinga- og siglingaöryggisdeildar Landhelgisgæslunnar verður árdegisflóð í Reykjavík í fyrramálið 4,5 metrar en til samanburðar þá er sjávarhæð á meðalstórstraumsflóði 4,0 metrar.

Jónas Karl Þorvaldsson og Sverrir Harðarson, starfsmenn séraðgerða- og sprengjueyðingarsviðs Landhelgisgæslunnar, fengu í vikunni viðurkenningu og heiðursmerki Atlantshafsbandalagsins fyrir þátttöku í mannúðarverkefni bandalagsins í Írak. Hlutverk þeirra var að sinna þjálfun innlendra sprengjusérfræðinga og auka færni þeirra við sprengjueyðingu.

Mike Pompeo, utanríkisráðherra Bandaríkjanna, fékk kynningu á stjórnstöð Nato á Keflavíkurflugvelli, sem rekin er af Landhelgisgæslunni, áður en hann fór af landi brott síðdegis í dag. Georg Kr. Lárusson og Jón B. Guðnason kynntu starfsemina á öryggissvæðinu en með í för voru einnig Guðlaugur Þór Þórðarson, utanríkisráðherra, og Geir H. Haarde, sendiherra Íslands í Washington.

Mike Pompeo, utanríkisráðherra Bandaríkjanna, lenti á Keflavíkurflugvelli á tólfta tímanum. Georg Kr. Lárusson, forstjóri Landhelgisgæslunnar, Jón B. Guðnason, framkvæmdastjóri varnarmálasviðs, Hannes Heimisson, prótókóllstjóri utanríkisráðuneytisins og Jill M. Esposito, staðgengill sendiherra Bandaríkjanna á Íslandi, tóku á móti utanríkisráðherranum við komuna til landsins.

Varðskipið Þór er afar vel tækjum búið. Þar er meðal annars að finna svokallaðar FiFi slökkvibyssur sem eru ákaflega afkastamiklar en alls geta þær dælt um 3200 rúmmetrum af sjó á klukkustund. Áhöfnin á varðskipinu hélt æfingu í gær þar sem búnaðurinn var prófaður. Tilgangurinn með æfingunni var að viðhalda þjálfun áhafnarinnar og kanna virkni búnaðarins.

Varðskipið Óðinn er starfsmönnum Landhelgisgæslunnar kært enda þjónaði það þjóðinni og stofnuninni í tæpa hálfa öld. Skipið á sér langa og merkilega sögu en það hefur verið hluti af Sjóminjasafninu frá árinu 2008. Skipinu er vel við haldið en á dögunum tóku nokkrir fyrrverandi skipverjar á Óðni sig til og settu afgangsolíu af varðskipinu Tý yfir á vélar gamla varðskipsins. 

112-dagurinn er haldinn um allt land í dag og er sjónum að þessu sinni beint að öryggismálum heimilisins. Aðstandendur dagsins fræða almenning um hvernig má draga úr hættu á slysum og öðrum áföllum á heimilum og hvernig bregðast á við slíkum atvikum. Þetta er gert meðal annars á samfélagsmiðlum og í 112-blaðinu sem fylgir Fréttablaðinu í dag. 

Guðmundur St. Valdimarsson, bátsmaður á varðskipinu Tý, varð hlutskarpastur í ljósmyndakeppni sjómanna á Norðurlöndum. Þetta er í annað sinn sem Guðmundur sigrar í keppninni.

TF-LIF, þyrla Landhelgisgæslunnar, var kölluð út á sjöunda tímanum í gær til að aðstoða við leit að konu í Skaftafelli. Þyrla Landhelgisgæslunnar var komin í Skaftafell um klukkan 20:00 e í Skaftafell og hóf þá leit ásamt björgunarsveitarmönnum frá Slysavarnafélaginu Landsbjörg og lögreglu.

Borið hefur á því að skipstjórar farþegaskipa hafi ekki virt leyfilegt farsvið sitt og hefur Landhelgisgæslan þurft að áminna og kæra skipstjóra. Varðstjórar í stjórnstöð hafa í vikunni þurft að hafa ítrekuð afskipti af farþegabáti.

TF-LIF, þyrla Landhelgisgæslunnar, flutti konu á Landspítalann í Fossvogi sem féll í klettum við Þorlákshöfn í hádeginu í gær. Björgunarsveitir á vegum Slysavarnafélagsins Landsbjargar, lögregla og Brunavarnir Árnessýslu voru kallaðar út vegna málsins.

Georg Kr. Lárusson, forstjóri Landhelgisgæslunnar og Tim Lowe, aðmíráll og yfirmaður UKHO, bresku sjómælinganna, skrifuðu á dögunum undir endurnýjaðan tvíhliða samning um áframhaldandi samstarf á sviði sjókortagerðar. Samningurinn tekur m.a. á skiptum á upplýsingum og reynslu er snýr að útgáfu sjókorta.