Áhöfnin á varðskipinu Tý og þyrlusveit Landhelgisgæslunnar héldu sameiginlegar æfingar í Húnaflóa í gær og í Skagafirði í morgun. Guðmundur St. Valdimarsson og Garðar Nellett voru með myndavélarnar á lofti og tóku þessar skemmtilegu myndir og myndskeið af æfingunum.

Í gær fékk Landhelgisgæslan áskorun um að full þörf væri á að plokka upp rusl í kringum flugskýli Gæslunnar á Reykjavíkurflugvelli eftir veturinn. Okkur þótti sjálfsagt að verða við áskoruninni og tíndum ruslið í hádeginu í dag.

Varðskipið Þór kom til Reykjavíkur í morgun eftir fimm vikna ferð umhverfis landið og lagðist að Miðbakka.

Þyrlusveit Landhelgisgæslunnar sótti veikan sjómann til Vestmannaeyja á ellefta tímanum í gær og kom honum undir læknishendur í Reykjavík. Þá var þyrla Landhelgisgæslunnar kölluð út til leitar í nótt að tveimur göngumönnum sem höfðu ekki skilað sér til byggða.

Það vakti töluverða athygli þegar varðskipið Þór sigldi inn í Vopnafjarðarhöfn í vikunni. Áhöfnin var á æfingu og fór tvær ferðir inn höfnina en lagðist ekki að bryggju. Þetta var í fyrsta sinn sem varðskipið Þór sést í höfninni á Vopnafirði.

Þyrlusveit Landhelgisgæslunnar æfir reglulega á landi og á sjó. Á dögunum var sveitin á ferðinni í Jökulgiljum á Fjallabaki þar sem hefðbundin fjallaæfing fór fram í rjómablíðu. Kolbeinn Guðmundsson, stýrimaður og sigmaður, Landhelgisgæslunnar var með 360 gráðu myndavél á æfingunni sem veitir sérstaklega skemmtilegt sjónarhorn og sýnir vel hvernig æfing sem þessi fer fram.

Áhöfninni á varðskipinu Þór tókst að bjarga hval sem festist í veiðarfærum fiskibáts suður af Langanesi í morgun. Stjórnstöð Landhelgisgæslunnar barst tilkynning um málið á ellefta tímanum og var Matvælastofnun strax gert viðvart.

Stjórnstöð Landhelgisgæslunnar barst beiðni um aðstoð frá bátverja tíu metra langs fiskibáts á Skagafirði á fimmta tímanum í dag. Einn var um borð og var talsverður leki kominn að bátnum

Eftir svokallað páskastopp sem hefur verið í gildi suðvestan- og vestanlands frá byrjun apríl var handagangur í öskunni þegar sum veiðisvæði voru opnuð á slaginu 10 í morgun. Flotinn brunaði á miðin eins og sjá má á þessu skjáskoti sem tekið var í stjórnstöð Landhelgisgæslunnar.

Í ár standa yfir umfangsmiklar endurbætur á ratsjárkerfum Atlantshafsbandalagsins hér á landi. Verkefnið hófst á Miðnesheið í febrúar og heldur áfram á Stokksnesi í vikunni. Meðan verið er að breyta ratsjánum er notast við færanlega ratsjá sem kanadíski flugherinn kom með til landsins í febrúar. Kanadíska ratsjáin hefur nú verið flutt á Stokksnes og sett þar upp.

Áhöfnin á TF-GRO, þyrlu Landhelgisgæslunnar, flutti Covid-19 sjúkling frá Ísafirði til Reykjavíkur í gærkvöld. Þetta var fyrsta sjúkraflug Landhelgisgæslunnar af þessum toga. Upphaflega stóð til að sjúkraflugvél annaðist flutninginn en sökum þoku reyndist ekki unnt að lenda á flugvellinum á Ísafirði. Því varð að kalla þyrlusveit Landhelgisgæslunnar út.

Áhöfnin á varðskipinu Þór fjarlægði hvalshræ sem lá í fjörunni fyrir neðan flugvöllinn á Þórshöfn á Langanesi í morgun. Hvalrekinn varð við bæinn Syðra Lón í Langanesbyggð um páskana og óttast var að ólyktin sem stafaði af hræinu gæti haft áhrif á æðavarp í grenndinni. 

Áhöfnin á TF-GRO, þyrlu Landhelgisgæslunnar, kom slösuðum vélsleðamanni undir læknishendur á Akureyri á níunda tímanum í kvöld. Lögreglan á Norðurlandi eystra óskaði eftir aðstoð þyrlusveitar Landhelgisgæslunnar og björgunarsveita vegna vélsleðaslyss í Eyjafirði fyrr í kvöld. 

Áhöfnin á varðskipinu Tý var kölluð út vegna Grásleppubáts sem hafði fengið tóg í skrúfuna út af Vatnsleysuvík í hádeginu.  Varðskipið var þá á Stakksfirði og áhöfn þess brást skjótt við og sendi kafara skipsins á staðinn til aðstoðar sem skáru tógið úr skrúfunni skömmu síðar. 

Varðskipið Týr hélt frá Reykjavík síðdegis í gær til fimm vikna eftirlits á Íslandsmiðum. Varðskipið Þór er einnig við eftirlitsstörf umhverfis landið og kemur ekki aftur til Reykjavíkur fyrr en Týr hefur verið í tvær vikur á sjó.