Landhelgisgæslan á í góðu samstarfi við viðbragðsaðila um allt land. Á dögunum fór fram sameiginleg reykköfunaræfing áhafnarinnar á varðskipinu Freyju og Slökkviliðs Norðurþings á Húsavík. Æft var í reykfylltu rými við öruggustu aðstæður og gekk æfingin afar vel.

Varðstjórar í stjórnstöð Landhelgisgæslunnar urðu varir við að norskt línuskip væri á veiðum innan bannsvæðis í fiskveiðilögsögunni í fyrrinótt. Þetta var unnt að sjá í fjareftirlitskerfi Landhelgisgæslunnar.

Sjómælingaskipið Baldur kom úr slipp hjá Skipasmíðastöð Njarðvíkur í vikunni en þar hefur það verið síðan um miðjan febrúar. Hefðbundið viðhald og eftirlit var framkvæmt í samræmi við skilmála flokkunarfélagsins Bureau Veritas.

Fjölskylda Jennýjar Lilju Gunnarsdóttur afhenti Landhelgisgæslunni tvö hjartastuðtæki að gjöf úr minningarsjóði Jennýjar Lilju á dögunum. Jenný Lilja lést af slysförum í október 2015, aðeins þriggja ára gömul.

Hinn árlegi Skrúfudagur Tækniskólans var haldinn á dögunum. Löng hefð er fyrir því að starfsmenn Landhelgisgæslunnar kynni starfsemi stofnunarinnar og var engin undantekning á því að þessu sinni.

Varðskipið Þór kom með hina sögufrægu Maríu Júlíu til hafnar á Akureyri undir lok marsmánaðar. María Júlía þjónaði Landhelgisgæslunni um árabil og tók meðal annars þátt í fyrsta þorskastríðinu. Báturinn var fluttur frá Ísafirði til Akureyrar þar sem hann fer í slipp. Ferðin til Akureyrar gekk ágætlega en veðuraðstæður voru krefjandi nær alla leið.

Áhöfnin á TF-GNA, þyrlu Landhelgisgæslunnar verður til taks á Akureyri fram á föstudag. Þangað hélt þyrlusveitin síðdegis og mun hafa aðsetur fyrir norðan ásamt lækni. Viðbragðstími þyrlunnar verður umtalsvert styttri þaðan en frá Reykjavík ef sinna þarf útkalli á Norður-eða Austurlandi.

Floti tundurduflaslæðara á vegum Atlantshafsbandalagsins er væntanlegur til landsins í kvöld. Skipin koma til með að leggjast að bryggju í Reykjavík og hafa aðsetur við Skarfabakka meðan á dvöl þeirra stendur.

Þyrlusveit Landhelgisgæslunnar er nú á leið til Egilsstaða með björgunarsveitarmenn á vegum Slysavarnafélagsins Landsbjargar og leitarhunda vegna snjóflóðahættu á Austfjörðum.

Varðskipið Freyja kom til heimahafnar á Siglufirði í gær eftir þriggja vikna úthald á hafsvæðinu umhverfis landið.

Þjálfun úkraínskra hermanna á sviði sprengjuleitar og sprengjueyðingar hófst í Litáen í vikunni. Um er að ræða samstarfsverkefni Norðurlandanna og Litáen og annast litáískir, norskir, sænskir og íslenskir sprengjusérfræðingar framkvæmdina.

Í kuldatíðinni sem staðið hefur síðustu daga og vikur hefur víða myndast lagnaðarís þar sem sjólag er nægjanlega stillt.

Landhelgisgæslan, Samtök útgerða skemmtiferðaskipa á norðurslóðum (AECO) og leitar og björgunarmiðstöðin í Norður-Noregi, efndu til ráðstefnu og viðbragðsæfingar í Reykjanesbæ þar sem björgunarmál tengd siglingum skemmtiferðaskipa á norðurslóðum voru til umfjöllunar.

Áhöfnin á varðskipinu Freyju annast eftirlit á Íslandsmiðum um þessar mundir og í hverju úthaldi fara fram fjölmargar æfingar til að tryggja að áhöfnin sé sem best undirbúin þegar kallið kemur.

Áhöfnin á varðskipinu Þór æfði á dögunum viðbrögð við því ef maður fellur fyrir borð. Æfingin fór þannig fram að einungis fjórir úr áhöfn skipsins vissu af henni fyrirfram, þeir tveir sem létu sig falla í sjóinn, skipherra og háseti sem tilkynnti að menn hefðu fallið fyrir borð.

Í eftirlitsflugi þyrlusveitar Landhelgisgæslunnar í vikunni varð áhöfnin á TF-GNA vör við flekki allt í kringum Reykjanesskagann og suður af landinu. Eftir stutta skoðun kom í ljós að ekki væri um mengun að ræða heldur væru þarna, að öllum líkindum, loðnutorfur á ferðinni. Fjöldi uppsjávarveiðiskipa voru á svæðinu, þar á meðal fjögur færeysk loðnuskip á ferðinni en eitt þeirra var á veiðum.