Kjölur lagður að nýju varðskipi - smíði gengur vel
Þriðjudagur 8.apríl 2008
Vinna við smíði nýs fjölnota varðskips fyrir Landhelgisgæsluna gengur vel í ASMAR skipasmíðastöðinni í Talcahuano í Chile. Nýverið var kjölur lagður að skipinu við hátíðlega athöfn í skipasmíðastöðinni. Viðstaddir voru Björn Bjarnason dómsmálaráðherra, Georg Lárusson forstjóri Landhelgisgæslunnar ásamt starfsfólki. Fundað var vegna smíði skipsins þar sem farið var yfir gang og skipulag smíðarinnar.
Þess má geta að um þessar mundir eru 3 starfsmenn Landhelgisgæslunnar við störf sem tengjast skipasmíðinni í Chile. Að auki eru 2-3 starfsmenn Landhelgisgæslunnar í Chile á 6 vikna fresti, á framvindufundum.
Áætlað er að sjósetning verði í lok þess árs og að skipið verði afhent fyrir árslok 2009.
Skjöldur á skipinu, til marks um kjöllagninguna (Mynd: Georg Lárusson)
Björn Bjarnason dómsmálaráðherra, í ræðustól í tilefni kjöllagningarinnar
(Mynd: Georg Lárusson)
Varðskip í mótun (Mynd: Georg Lárusson)
Varðskipið er farið að taka á sig mynd (Mynd: Georg Lárusson)
Starfsfólk Landhelgisgæslunnar við skipið.
Frá vinstri: Halldór Nellet framkvæmdastjóri aðgerðasviðs,
Ingvar J. Kristjánsson forstöðumaður skipatæknistjórn,
Kristian Holten Möller verkefnisstjóri við eftirlit á smíði varðskipsins,
Nedith Valenzuela ritari, Oli Kaurin málningar- og stáleftirlitsmaður,
Mogens Hald eftirlitsmaður LHG á staðnum og Georg Lárusson forstjóri.
(Mynd: Georg Lárusson)
Skipasmíðastöð ASMAR í Talcahuano í Chile (Mynd: Georg Lárusson)
08.04.2008 SRS