Samæfing í Færeyjum - ráðstefna Vestnorræna ráðsins

Mánudagur 9.júní 2008

Landhelgisgæslan tók þátt í samæfingu með færeysku landhelgisgæslunni, danska sjóhernum, björgunarfélugunum í Færeyjum og Slysavarnafélagsins Landsbjargar, sl. helgi.

Æfingin var í tengslum við ráðstefnu Vestnorræna ráðsins sem haldin var í Færeyjum, að þessu sinni, þar sem þemað var björgunar og öryggismál á Norður-Atlantshafi.

Markmið æfingarinnar var að samhæfa þessa viðbragðsaðila og æfa við ýmiskonar vá á svæðinum. Einnig að kynna fyrir þingmönnum ríkjanna vinnubrögð og getu þessara viðbragðsaðila til að leysa mál sem upp kunna að koma.

Æfingin tókst vel og mikil samstaða og vinskapur tóks á með þeim sem að henni komu.

Meðfylgjandi myndir tók Jón Kr. Friðgeirsson á æfingunni


Varðskipið Týr kemur á "slysstað" en Sæbjörg, skip Slysavarnafélags
Íslands, hafði það hlutverk á æfingunni


Varðskipsmaður á Tý sprautar á skipið til að yfirborðskæla "brunastaðinn"


Léttbátur frá Vs. Tý á leið á "slysstað"


Svartaþoka var á svæðinu og því ekki hægt að notast við þyrlu danska
varðskipsins Hvitabjornen. Hér má sjá "slysstaðinn" Mv Fantasy (Sæbjörg),
færeyska varðskipið Tjaldrið og íslenska og færeyska björgunarbáta.


Íslenskir björgunarbátar frá Slysavarnafélaginu Landsbjörgu flytja
farþega af "slysstað"

09.06.2008 SRS