Tundurdufli eytt austan við Þorlákshöfn

12. mars 2009

Sprengjudeild Landhelgisgæslunnar eyddi í gær bresku tundurdufli sem fannst sokkið í sand austan við Þorlákshöfn. Lögreglan á Selfossi tilkynnti duflið til stjórnstöðvar LHG á sunnudagskvöld. Eftir myndum að dæma var talið nokkuð öruggt að duflið væri tómt. Við nánari athugun kom í ljós að enn voru leifar af sprengiefni í duflinu og var það grafið upp og því eytt.

Samkvæmt upplýsingum frá sprengjusérfræðingum LHG voru dufl oft á tíðum opnuð eftir seinni heimstyrjöldina og hleðslan brennd. Gætu þetta verið leifar eftir það en einhverra hluta vegna ekki allt brunnið, í svona dufli geta verið rúmlega 200 kg af sprengiefni.

Myndir sprengjudeild LHG og lögreglan á Selfossi.

Mynd 1 barst frá lögreglu

 Mynd 2 og 3 Duflið komið upp úr sandinum

3 eftir að það náðist upp úr sandinum.

 12.03.09/HBS