Gleðilegt nýtt ár - myndasyrpa frá viðburðarríku ári í starfsemi Landhelgisgæslu Íslands.

Starfsmenn Landhelgisgæslu Íslands óska samstarfsaðilum og landsmönnum öllum gleðilegs nýs árs og þakka ánægjulegt samstarf á nýliðnu ári.

Hér má sjá margvíslegar myndir úr fjölbreyttu starfi Landhelgisgæslunnar á árinu 2009.

Varðskipið Týr stöðvaði för seglskútu djúpt út af SA-landi vegna gruns um
stórfellt fíkniefnabrot þann 20. apríl 2009

Sameiginleg aðgerð lögreglu og Landhelgisgæslu þann 20. apríl.
Sérsveitarmenn síga um borð í varðskipið


Togarinn Sóley Sigurjóns strandar í innsiglingunni í Sandgerði þann 4. júní.
Varðskipið Týr dregur togarann af strandstað.


Á árinu fóru þyrlur Landhelgisgæslunnar í fjöldamörg útköll á jökla landsins. Nauðsynlegt er fyrir þyrluáhafnir að vera í góðri þjálfun og viðbúnar
öllum þeim aðstæðum sem upp geta komið.


Varðskipsmenn fara til eftirlits í Síldarsmugunni í júní 2009.
Mynd Jón Kr. Friðgeirsson


Auðunn F. Kristinsson yfirstýrimaður greinir skip að ólöglegum veiðum
innan lögsögunnar með eftirlitsbúnaði Sifjar. Mynd AS

Í október afhenti Georg Kr. Lárusson forstjóri Landhelgisgæslunnar formennsku
í samtökunum NACGF yfir til Noregs eftir vel heppnaðan fund. North Atlantic
Coast Guard Forum eru samtök 20 strandgæslustofnana og sjóherja við Norður-Atlantshaf. Stefnumál samtakanna eru unninn innan sjö vinnuhópa sem fjalla um öryggismál á hafinu, smygl eiturlyfja, ólöglega innflytjendur, fiskveiðieftirlit, leit og
björgun og tæknibúnað innan strandgæslustofnana. Ísland gengdi formennsku
innan samtakanna í eitt ár frá 2008-2009. Mynd AS



Varðskipið Ægir dregur grænlenska togskipið Qavak til Reykjavíkur en skipið
varð vélarvana í október 2009 um 200 sjómílur suð-vestur af Reykjanesi
með fjóra menn í áhöfn. Mynd GSV


Sjúklingur sóttur um borð í skemmtiferðaskip í september. Mynd GSV

Í ágústmánuði stóð Baldur, eftirlits- og sjómælingabátur Landhelgisgæslunnar handfærabát að meintum ólöglegum veiðum í skyndilokunarhólfi. Var bátnum vísað til hafnar. Samkvæmt skipstjóra Baldurs höfðu mælingar þeirra sl. viku leitt til þriggja skyndilokanir en þeir hafa farið um borð í tuttugu og einn bát í samvinnu við starfsmenn Fiskistofu sem voru með þeim í för. Mynd JPA.

Sameiginleg þjálfun Landhelgisgæslunnar og slökkviliðsins. Mynd GSV



Sameiginleg æfing Íslendinga og Dana í mars 2009.
Mynd JKF


Líf á leið í útkall haustið 2009. Mynd tekin í gegn um nætursjónauka en þeir
hafa þann eiginleika að magna margfalt upp alla birtu. Þegar horft er í gegn um þá í myrkri er það svipað og sjá í dagsbirtu. Sjá má minnstu ljóstýru langar leiðir.
Þetta gerir þyrluáhöfnum kleift að fljúga við aðstæður sem annars væru óhugsandi.


Þyrla sækir slasaðan mann í Jökulheima í október 2009. Mynd flugáhofn

Stjórnstöð Landhelgisgæslunnar/vaktstöð siglinga hefur samband við
olíuflutningaskip sem ekki hefur tilkynnt ferðir sínar innan lögsögunnar.
Grannt er fylgst með flutningaskipum í eftirlitsbúnaði stjórnstöðvarinnar
enda oft á tíðum afar viðkvæmur farmur sem myndi valda miklum skaða
ef eitthvað færi úrskeiðis.

Olíuflutningaskipið Atlas Voyager á siglingu frá Rússlandi til Bandaríkjanna:
Mynd vesseltracking.com

Sprengjusveit gerir tundurdufl óvirkt sem fannst í fjörunni við Þorlákshöfn
í mars 2009. Mynd EOD


Sprengjuleit - NATO æfingin Northern Challenge sem haldin var á fyrrum svæði
varnarliðsins í september 2009. Þess má geta að sérfræðingur sprengjusveitar Landhelgisgæslunnar var í apríl verðlaunaður fyrir framúrskarandi frammistöðu í yfirgripsmikilli NATO æfingu sem haldin var samtímis á fimm stöðum í Evrópu. Tólf þátttakendur af þrjú hundruð talsins hlutu verðlaunin, sem voru afhent formlega af Brigadier General Scott D.West sem er CO (Chief of staff) fyrir Joint Warefare Centre (JWC) NATO. Mynd Delsey.

Umferðareftirlit með lögreglu


Þyrlur Landhelgisgæslunnar voru kallaður til aðstoðar vegna brunans í Valhöll á Þingvöllum þann 10. júlí 2009. Á myndinni má sjá Líf þar sem æfð var notkun slökkviskjólunnar með slökkviliði Borgarbyggðar.


Björgun úr jökulsprungu í júní 2009


Frá reglulegri jöklaæfingu með undanförum Slysavarnarfélagsins Landsbjargar.
Fær björgunarsveitarfólk þjálfun í mótttöku þyrlu og áhöfn þyrlu þjálfun í notkun snjóflóðáýlis, snjóflóðaleitarstanga, ísaxabremsa, notkun mannbrodda og
sitthvað fleira tengt fjallamennsku.Myndir Helgi og Sveinn, SL.

Sjómælingasvið gefur á hverju ári út tugi sjókorta. Ísland er aðili að alþjóðlegum samtökum sjómælingastofnana, International Hydrographic Organization (IHO) en aðildaríkin eru nú 76. IHO sendir frá sér staðla og er þeim fylgt við gerð íslenskra sjókorta. Samkvæmt samkomulagi aðildarríkja eru gefin út alþjóðleg sjókort sem kölluð eru INT kort og gefur Ísland út 11 slík sjókort. Myndin sýnir nýtt kort af Flatey sem kom
út í desember 2009.


Sjúklingur sóttur um borð í togara


Í febrúar var þyrla Landhelgisgæslunnar kölluð út vegna sprengingar sem
varð í kartöfluverksmiðju í Þykkvabæ. Staðfest var að tveir einstaklingar
væru alvarlega slasaðir. Mynd GSV


Sjúkraflug um borð í erlendan togara

Þyrla Landhelgisgæslunnar var kölluð út þann 28. mars vegna konu sem
slasaðist við fjallagöngu í Skessuhorni. Var hin slasaða flutt af björgunar-
sveitarfólki Slysavarnarfélagsins Landsbjargar á börum niður þverhníft bjarg
að snjóbíl sem síðan flutti hana að stað þar sem hægt var að síga niður
og flytja um borð í þyrlu Landhelgisgæslunnar. Mynd SL.

Varðskipsmenn fara til eftirlits. Mynd AS

Farið yfir veiðarfæri og annan búnað og réttindi um borð. Mynd AS


Í febrúar  var haldin á Reyðarfirði, sameiginleg eldvarnar- og reykköfunaræfing Landhelgisgæslunnar og slökkviliðs Fjarðarbyggðar. Einnig tóku þátt tveir
leiðbeinendur frá Slökkviliði Höfuðborgarsvæðisins. Mynd Týr

Áhöfn danska varðskipsins Knud Rasmussen æfir með Landhelgisgæslunni.
Reglulega eru haldnar æfingar með varðskipum nágrannaþjóðanna.


Þyrluáhafnir þurfa reglulega að fara í margskonar þjálfun vegna starfa sinna.
Á myndinni sést þjálfun í flughermi þar sem flugmenn æfa björgun úr þyrlu
sem lent hefur í sjó eða vatni "helicopter underwater escape training".
Mynd AS

Unnið að köfun. Mynd LHG


Við leit að flaki á Garðskaga í nóvember 2009.
Kafarar Landhelgisgæslunnar síga í sjóinn. Mynd GSV

Unnið að rannsóknum neðansjávar í september. Við leit að flaki bandaríska varðskipsins Alexander Hamilton . Mynd AS


Frá djúpköfun við Alexander Hamilton, inntaksrist skipsins

Eftirlitsbúnaður Sifjar greinir hafís á Vestfjörðum í október. 2009 
Skipum á svæðinu og Veðurstofu Íslands gert viðvart

Skyndihjálparnámskeið starfsmanna Landhelgisgæslunnar haustið 2009

Umferðardeild lögreglunnar á höfuðborgarsvæðinu kom í heimsókn um borð í varðskipið Tý. Lögreglumenninir tóku þátt í æfingum um borð á starfsdegi umferðardeildarinnar.

Undirbúinn flutningur slasaðra


Sören Gade, varnarmálaráðherra Danmerkur átti viðræður við Georg Kr. Lárusson, forstjóra Landhelgisgæslunnar og starfsmenn hennar meðan á opinberri heimsókn hans stóð á Íslandi í mars mánuði. Ræddu þeir samstarf ríkjanna á sviði öryggis- og björgunarmála. Í janúar 2007 var undirritað samkomulag  um nánara samstarf milli Landhelgisgæslunnar og danska flotans er varðar leit, eftirlit og björgun á Norður- Atlantshafi. Það samkomulag hefur styrkt sambandið milli þessara tveggja aðila og telur Gade það grundvöll fyrir enn frekari samvinnu í náinni framtíð.
Landhelgisgæslan fékk heimsóknir  fjölmargra samstarfsaðila frá nágrannaþjóðum
á árinu, má þar nefna fulltrúa norsku og strandgæslunnar, danska flotans, bandarísku strandgæslunnar, varnarmálafulltrúa Breta, Frakklands og Ítalíu, sendiherra Breta, sendiherra Danmerkur, sendiherra Frakklands, sjávarútvegsnefnd Evrópu
þingsins auk hóps sprengjusérfræðinga NATO. Mynd AS


Við eftirlits- og æfingaflug TF-Sifjar flugvélar Landhelgisgæslunnar í júlí
sást olíumengun á Faxaflóa með tækjabúnaði eftirlitsflugvélarinnar sem
kallast „Side Looking Radar“ ( SLAR). Gerir búnaðurinn vélinni kleift að
staðsetja mengun, greina hvers eðlis mengunin er, stærð svæðisins,
þykkt olíunnar og magn.

Æfð notkun mengunarvarnabúnaðar

Eftirlitsflugvélin Sif undirbýr lendingu á Akureyri í október 2009. Mynd AS

Sigið úr þyrlu í Þrídranga. Mynd AS

Stjórnstöð LHG fékk mars mánuði tvær skoskar stúlkur í heimsókn, var
önnur þeirra í hópi sem bjargað var á Grænlandi þann 9. júní 2007
af Líf, þyrlu LHG. Vildu stúlkurnar koma innilegu þakklæti til áhafnarinnar.


Í mars mánuði  urðu Mjófirðingar símsambandslausir þegar kom upp bilun
í örbylgjukerfi Mílu á Austurlandi. Myndin sýnir varðstjóra í stjórnstöð Landhelgisgæslunnar sem voru  tengiliðir Mjófirðinga við umheiminn þegar
þeir báðu um að halda sambandi með talstöð sem staðsett er í báti á Mjóafirði.
Erfitt var að komast til viðgerðar vegna óveðurs á svæðinu. Var þetta skýrt dæmi
um að nauðsynlegt er að hafa „back-up“ kerfi sem hægt er að grípa til þegar
nýrri kerfi detta út af einhverjum sökum.


Gná, Líf og Sif á Faxaflóa. Mynd Baldur Sveinsson

Starfsmenn hafa ætíð gaman af því að koma saman en hér má sjá sjá mynd
frá kveðjuhófi sem haldið var þegar Kristán Þ. Jónsson skipherra kom úr
sinni síðustu ferð sem skipherra Ægis í maí 2009. Hleypt var af þremur
fallbyssuskotum við komuna og stóðu starfsmenn Landhelgisgæslunnar
heiðursvörð á Faxagarði.  Auk Kristjáns voru tveir aðrir starfsmenn, þeir Benedikt Svavarsson yfirvélstjóri og Hafsteinn Jensson smyrjari að láta af störfum.  Höfðu þeir félagar starfað í hvorki meira né minna en níutíu ár hjá Landhelgisgæslunni.
Mynd JPA

Á ári hverju fær Landhelgisgæslan tugi heimsókna frá leikskólum, grunnskólum,
tómstundaheimilum, sumarnámskeiðum, framhaldsskólum, heilbrigðis-
starfsmönnum, starfsmönnum löggæslunnar, slökkviliðs og fleiri aðilum
innlendum jafnt sem erlendum. Þökkum við þeim öllum kærlega fyrir komuna.