Atvinnukafarar Landhelgisgæslunnar við æfingar með samstarfsaðilum
Sunnudagur 17. október 2010
Kafarar Landhelgisgæslunnar tóku nýverið þátt í símenntun atvinnukafara ásamt köfurum Slökkviliðs Höfuðborgarsvæðisins og Ríkislögreglustjóra. Kafað var á 30-40 metra dýpi niður að flaki fraktskipsins Vestra sem staðsett er norð vestur af ljósdufli nr. 11 vestur af Akranesi. Var skipið byggt í Danmörku 1964 en fórst í febrúar 1974.
Við verkefnið var notaður Baldur, eftirlits- og sjómælingaskip Landhelgisgæslunnar sem tók kafara Slökkviliðs Höfuðborgarsvæðisins og Ríkislögreglustjóra um borð á Akranesi. Við köfunina var auk þess notaður Óðinn, harðbotna bátur Landhelgisgæslunnar.
Búnaður fluttur yfir í Óðinn
Kafarar tilbúnir fyrir köfun
Myndir Jón Páll Ásgeirsson ofl.