Radarmyndir sýndu gosstrók sem steig upp í 1,5 km hæð

Laugardagur 28. maí 2011

Flugvél Landhelgisgæslunnar TF-SIF fór í eftirlitsflug í gær þar sem m.a. var aflað upplýsinga um gosstöðvarnar í Grímsvötnum. Á radarmyndum sást gosmökkur sem steig beint upp í loftið og náði um 1,5 km. hæð. Var strókurinn frekar ljósleitur og sást ekki aska í honum. Samkvæmt þessu er greinilegt að gosinu er ekki lokið. Næstu daga verður flogið reglulega yfir gosstöðvarnar og fylgst með þróuninni. Radarmyndir og önnur gögn úr eftirlitsbúnaði eru ætíð send vísindamönnum til frekari greiningar.

Gosstrókur rís upp úr eldstöðinni. Hæð ca. 1,5km. Smella á til að stækka.

Ratsjármynd (SPOTSAR) af eldstöðinni í Grímsvötnum.
Smella  til að sjá stækkun.