Engin kærumál komu upp við eftirlit Ægis

Laugardagur 17. desember 2011

Varðskipið Ægir hefur að undanförnu verið við eftirlit í Faxaflóa og á Breiðafirði. Í ferðinni var farið til eftirlits í fimmtán skip og báta.  Ekki komu upp kærumál í þessum skoðunum sem er breyting til batnaðar.  Fjórum svæðum var lokað sunnan við Snæfellsnes og í Breiðafirði vegna mælinga á fiski sem gáfu of hátt hlutfall smáfisks í aflanum. Einnig skiptu varðskipsmenn um öldumæliduflið við Surtsey og tekið var þátt í tveimur næturæfingum með þyrlu Landhelgisgæslunnar þar sem framkvæmdar voru hífingar af skipi, úr björgunarbát og úr sjó.

Eftirlit um borð í dragnótabát. © Jón Páll Ásgeirsson.

Eftirlit í togbát. © Jón Páll Ásgeirsson.

Skipt um öldumælisdufl við Surtsey © Jón Páll Ásgeirsson.

Æfing með þyrlu LHG. © Guðmundur St. Valdimarsson

Koma léttabáts að varðskipinu, © G. Birkir Agnarsson