Árlegur fundur leitar- og björgunaraðila haldinn

Mánudagur 12. mars 2012

Árlegur fundur leitar- og björgunaraðila vegna sjófarenda og loftfara var haldinn sl. föstudag í flugskýli Landhelgisgæslunnar við Nauthólsvík. Á fundinum var m.a. fjallað um helstu björgunaraðgerðir ársins 2011 og hvaða lærdóm megi af þeim draga með það að markmiði að auka enn frekar öryggi sjófarenda og loftfara.

Georg Kr. Lárusson, forstjóri Landhelgisgæslunnar setti fundinn og kynnti helstu verkefni Landhelgisgæslunnar og framtíðaráskoranir,  

Svana Margrét Davíðsdóttir sérfræðingur hjá innanríkisráðuneytinu  kynnti breytingar á reglugerð um leit og björgun sjófarenda sem m.a. varða alþjóðasamning  um samstarf við leit og björgun á hafi og í lofti á norðurslóðum.

Ásgrímur L. Ásgrímsson framkvæmdastjóri aðgerðasviðs Landhelgisgæslunnar fjallaði um helstu björgunaraðgerðir LHG/JRCC-Ísland og samstarfsaðila vegna sjófarenda og loftfara árið 2011.

Þorsteinn Þorkelsson formaður Landsstjórnar björgunarsveita Slysavarnarfélagsins Landsbjargar fór yfir helstu björgunaraðgerðir Slysavarnarfélagsins Landsbjargar vegna sjófarenda og loftfara árið 2011 og

Víðir Reynisson deildarstjóri almannavarnadeildar RLS fjallaði um ábyrgðarskil lögreglu og Landhelgisgæslu, auk þess sem hann sýndi helstu atriði laga og reglugerða sem varða leit og björgun þar ætíð er lögð áhersla á samhæfingu og gott samstarf í björgunaraðgerðum.

Var fundurinn vel sóttur af fulltrúum þeirra aðila sem hlutverk hafa við leit og björgun sjófarenda og loftfara en þeir eru auk Landhelgisgæslunnar,  Almannavarnir, Flugmálastjórn,  ISAVIA , Neyðarlínan, Rannsóknarnefnd flugslysa, Rannsóknarnefnd sjóslysa, Ríkislögreglustjóri,  Siglingastofnun, Slysavarnarfélagið Landsbjörg, Slökkvilið höfuðborgarsvæðisins, Umhverfisstofnun og Veðurstofa Íslands.