Sjóbjörgunaræfing á Húsavík
Laugardagur 9. júní 2012
Æfing vegna bruna í hvalaskoðunarskipi stóð yfir á Húsavík í dag. Æfingin hófst með því að neyðarkall barst stjórnstöð Landhelgisgæslunnar laust fyrir klukkan 09:00 þar sem tilkynnt var um eld um borð í hvalaskoðunarskipi á Skjálfanda skammt utan Húsvíkur.
Æfð voru viðbrögð þar sem bjarga þurfti hátt í 50 manns úr brennandi hvalaskoðunarskipi, þar sem margir slösuðust. Fjöldi viðbragðsaðla kom að æfingunni þar á meðal, slökkvilið, sjúkraflutningamenn, lögreglan, Rauði krossinn, heilbrigðisstarfmenn, björgunarsveitir úr Eyjafirði og Þingeyjarsýslu og starfsmenn hvalaskoðunarskipa á Húsavík.
Unnið var eftir nýrri viðbragðsáætlun sem gerð hefur verið um hópslys á Húsavík, hvalaskoðunarbáta og önnur farþegaskip. Samhæfingarstöðin í Skógarhlíð var fullmönnuð og samhæfði aðgerðir og aðstoðaði vettvang eftir þörfum.