Leitar- björgunar- og öryggismál á hafinu rædd á fundi með NATO
Miðvikudagur 9. október 2012
Vinnufundur Landhelgisgæslunnar með yfirmönnum flotastjórnar NATO (The Allied Maritime Command Headquarters, sem staðsett er í Northwood á Englandi, fer fram nú í vikunni. Á dagskrá fundarins eru mál er varða leit og björgun á Norður-Atlantshafi sem og önnur öryggismál á hafinu. MC Northwood gegnir lykilhlutverki við að tryggja sem öruggasta stöðumynd allra skipa bandalagsþjóðanna á Atlantshafi og bregst við þegar þörf er á aðstoð þeirra.
Kaupskipalest sem siglir saman gegnum Adenflóa undir vernd skipa flotastjórnarinnar.
Skip á vegum flotastjórnarinnar hafa undanfarin ár unnið ómetanlegt starf undan ströndum austur Afríku og á Adena flóa þar sem þau hafa verið við gæslu og eftirlit og varið kaupskip sem þar fara um fyrir sjóránum. Gífurlega mikið hefur áunnist í því starfi.
Lt Cdr Versluis, Jón B. Guðnason framkvæmdastjóri lofthelgis- og öryggismálasviðs LHG, Ásgrímur L. Ásgrímsson, framkvæmdastjóri aðgerðasviðs LHG, Rear Admiral Ort, Georg Kr. Lárusson, forstjóri LHG, Group Captain Cole, Lt Cdr Brozzesi, Gylfi Geirsson, verkefnisstjóri, Auðunn Kristinsson, verkefnisstjóri aðgerðasviðs LHG og Jon Terje Eide, varnarmálafulltrúi.
Georg Kr. Lárusson afhendir Rear Admiral Ort skjöld Landhelgisgæslunnar
Rear Admiral Ort afhendir Georg Kr. Lárussyni skjöld flotastjórnarinnar/MARCOM