Kanadíska flugsveitin með fjölskyldudag
Laugardagur 6. apríl 2013
Í dag var starfsmönnum Landhelgisgæslunnar, ISAVIA, kanadíska sendiráðsins og annarra samstarfsaðila, ásamt fjölskyldum, boðið í opið hús hjá kanadísku flugsveitinni sem stödd er hér á landi. Þotur, eldsneytisvél og ýmiss búnaður þeirra var til sýnis og boðið var upp á gómsætar kanadískar pönnukökur með hlynsírópi. Einnig var slökkvibíll frá Keflavíkurflugvelli til sýnis og þyrla Landhelgisgæslunnar kom við og fengu gestirnir að skoða þyrluna og spjalla við áhöfnina. Löng biðröð myndaðist til að skoða stjórnklefa F-18 þotu og útskýrðu flugmennirnir helstu stjórntæki þotunnar.
Heimsóknin vakti mikla lukku, gestgjafarnir höfðu augljóslega gaman að og voru rúmlega þrjúhundruð manns sem þáðu boðið. Við þökkum kærlega fyrir skemmtilegan dag og góðar móttökur.
Margir biðu eftir að skoða stjórnklefa þotunnar.
Áhöfn þyrlu LHG kíkti í heimsókn
Spennandi að skoða stjórnklefann
Gaman að spjalla við gestgjafana og þeir sýndu ýmsan búnað sinn
Klár í flug
Slökkvibíllinn vakti líka mikla athygli
Mynd tekin í flugi kanadísku flugsveitarinnar.