Fallhlífarstökks- og eftirlitsflug TF-SIF
Þriðjudagur 9. apríl 2013
Flugvél Landhelgisgæslunnar, TF-SIF fór í dag í fallhlífarstökks- og eftirlitsflug um SV- djúp. Flugið hófst með að fjórir nemar í fallhlífarstökki, starfsmenn Landhelgisgæslunnar og Ríkislögreglustjóra, stukku út í 1200 fetum en þeir hafa að undanförnu hlotið þjálfun hjá Flugbjörgunarsveitinni í Reykjavík. Stukku síðan fallhlífastökkvarar Flugbjörgunarsveitarinnar út í 5000 fetum.
Var síðan haldið í eftirlit og fylgst með skipaumferð undan SV-landi á grunnslóð og síðan SV-djúp. Haft var samband við togara sem ekki var með kveikt á fjareftirlitsbúnaði eins og honum ber samkvæmt reglugerð 80/2013. Hafði áður verið haft samband við hans vegna sama máls og var brýnt fyrir honum að endurræsa tækið, annars ætti hann von á kæru. Skömmu síðar hófu sendingar að berast frá skipinu.
Stökkið
Lentir
Ratsjárþekjan í fluginu