Ban Ki-moon, aðalframkvæmdastjóri Sameinuðu þjóðanna heimsótti flugdeild Landhelgisgæslunnar

Þriðjudagur 3. júlí 2013

Ban Ki-moon, aðalframkvæmdastjóri Sameinuðu þjóðanna heimsótti í morgun flugdeild Landhelgisgæslunnar í fylgd Gunnars Braga Sveinssonar utanríkisráðherra, Sigurðar Inga Jóhannssonar sjávarútvegs- og landbúnaðarráðherra og Helga Björnssonar jöklafræðings. Ban Ki-moon er staddur hér á landi í opinberri heimsókn.

Sindri Steingrímsson, flugrekstrarstjóri og áhöfn þyrlu Landhelgisgæslunnar tóku á móti gestunum og sögðu stuttlega frá starfseminni. Var síðan flogið á Langjökul og lent en Ban Ki-moon hefur í embættistíð sinni hjá Sameinuðu þjóðunum sýnt bráðnun jökla og hlýnun loftslags áhuga. Var síðan flogið á Þingvelli.

Hér eru myndir sem Ásgeir Ásgeirsson, ljósmyndari  tók í flugdeild Landhelgisgæslunnar.

Ban Ki-moon heilsar

Daníel Hjaltason, flugvirki/spilmaður, Andri Jóhannesson, flugmaður,
Gunnar Bragi Sveinsson utanríkisráðherra ásamt Sindra Steingrímssyni,
flugrekstrarstjóra LHG.

Walter Ehrat, flugstjóri útskýrði flugáætlun dagsins. Létt yfir mönnum.

Gengið í gegnum flugskýli LHG að TF-SYN

Gert klárt fyrir flugtak