Fréttayfirlit

Annríki síðustu daga ársins - tækniaðstoð þyrlu á Vestfjörðum breyttist skyndilega í sjúkraflutning

GNA1_haust2012

Mikið annríki hefur verið í starfsemi Landhelgisgæslunnar undanfarna daga. Á gamlársdag breyttist tækniaðstoð skyndilega í sjúkraflutning.

Myndir og fréttir frá árinu sem er að líða

_33A5909

Landhelgisgæsla Íslands óskar landsmönnum öllum og samstarfsaðilum gleðilegs nýs árs og þakkar ánægjulegt samstarf á árinu sem er að líða. Hér má sjá innihald ýmissa frétta og myndir úr fjölbreyttu starfi Landhelgisgæslunnar árið 2012.

Landhelgisgæslan í viðbragðsstöðu

TYR_Eyjafirdi2009

Varðskip, þyrlur og flugvél Landhelgisgæslunnar eru nú í viðbragðsstöðu vegna snjóflóðahættu á Vestfjörðum.  Almannavarnir hafa í samráði við Veðurstofuna lýst yfir viðbúnaði á svæðinu og er Landhelgisgæslan til taks og bregst við samkvæmt nánari ákvörðun Almannavarna.

Gleðileg jól

TY__jolin2012

Landhelgisgæsla Íslands óskar landsmönnum öllum til sjávar og sveita gleðilegra jóla og farsældar á komandi ári. Samkvæmt upplýsingum frá stjórnstöð er tíðindalítið, fá skip á sjó og fer fækkandi.

Björguðu hesti og göngumanni í flugi dagsins

Nætursjónaukar

Áhafnir flugdeildar Landhelgisgæslunnar sinna afar fjölbreyttum verkefnum og eru ávallt til taks á sjó og fyrir sjúkraflutninga, leit, björgun, löggæslu og ýmsa aðstoð á landi. Eitt óvænt verkefni var leyst snarlega í þyrlueftirlitsflugi í gær en þá kom áhöfnin auga á hest sem var frosinn fastur í tjörn.

Þyrla LHG sótti slasaðan mann í Hvalfjörð

TF-LIF_8586_1200

Landhelgisgæslunni barst kl. 13:37 beiðni um aðstoð þyrlu eftir að slys varð við Múlafell í Hvalfirði. Var þá TF-LÍF í öðru verkefni en hélt strax til aðstoðar. Þyrlan var komin á slysstað um 10 mínútum síðar og var maðurinn hífður um borð í þyrluna.

Jólasamkoma starfsmanna Landhelgisgæslunnar

Jol1

Í dag fór fram árleg jólastund starfsmanna Landhelgisgæslunnar í flugskýlinu á Reykjavíkurflugvelli. Georg Kr. Lárusson, forstjóri og fór síðan yfir helstu viðburði ársins sem er að líða og horfur fyrir árið 2013. Lesið var úr jólaguðspjallinu og starfsmenn fengu afhentar gjafir. Boðið var upp á jólalegar veitingar að hætti bryta.

Alvarlegt mál að senda björgunaraðila í erindisleysur

_MG_0566

Síðastliðinn laugardag barst Landhelgisgæslunni neyðarkall á rás 16, neyðaruppkallsrás skipa og báta. Sagt var að bifreið væri föst á Þorskafjarðarheiði. Björgunarsveitir frá Reykhólum og Hólmavík voru kallaðar til aðstoðar og leituðu þær á heiðinni en án árangurs.

Jólaball haldið í flugskýli LHG

Jolaball7

Jólaball starfsmannafélags Landhelgisgæslunnar var í dag haldið í flugskýlinu við Nauthólsvík. Fjölskyldur starfsmanna fjölmenntu og skemmtu sér konunglega. Sungið og dansað var í kringum jólatréð og hápunktinum var náð þegar þyrlan TF-LÍF kom úr æfingaflugi með jólasveinana Stúf, Hurðaskelli og Gluggagægi innanborðs. 

Landhelgisgæslan nýtur mest trausts

JolakortLHG2012

Landhelgisgæslan nýtur mest trausts meðal almennings í könnun sem birt var í gær og framkvæmd af MMR. Í könnuninni var mælt traust almennings til helstu stofnana á sviði réttarfars og dómsmála. Alls sögðust 87,3% þeirra sem tóku afstöðu bera mikið traust til hennar. Niðurstöðurnar eru afskaplega ánægjulegar.

Bátur strandaði í Hvammsvík - engin hætta á ferðum

Stjornstod3

Landhelgisgæslunni barst kl. 18:12 aðstoðarbeiðni frá fiskibátnum Kára sem var strandaður í Hvammsvík, Hvalfirði. Tveir menn eru í áhöfn bátsins og sakaði þá ekki. Engin hætta er á ferðum og ágætt veður á staðnum. Kallaðar voru út sjóbjörgunarsveitir Slysavarnarfélagsins Landsbjargar.

Leitað að skipverja sem er saknað

GNA2

Landhelgisgæslunni barst upp úr klukkan sjö í gærkvöldi aðstoðarbeiðni frá togaranum Múlabergi SI 22 frá Siglufirði,  vegna skipverja sem var saknað á hafsvæðinu norður af Skagafirði.  Sigurvin, björgunarskip Slysavarnarfélagsins Landsbjargar á Siglufirði var samstundis kallað til leitar auk þyrlu Landhelgisgæslunnar. Auk þess var haft samband við nærstödd skip og þau beðin um að taka þátt í leitinni. Varðskipið Týr kom á svæðið í nótt.

Há sjávarstaða næstu daga

Iceland_modern_hydrographic_surveys

Landhelgisgæslan – Sjómælingasvið vekur athygli á hárri sjávarstöðu, einkum árdegisflóði, dagana 13. – 16. desember.

Varðskipið Týr staðsett fyrir norðan

TYR_Eyjafirdi2009

Varðskipið Týr siglir síðar vikunni norður fyrir land og verður staðsett á  Húsavík næstu vikur. Eykst þar með umtalsvert geta og viðbragð Landhelgisgæslunnar vegna leitar og björgunar á svæðinu.  Auk þess eykst öryggi og langdrægi þyrlna þegar mögulegt er að staðsetja varðskip tímanlega við ytri mörk langdrægis þeirra.

Ráðstefna um stöðu og framtíðarþróun samgangna á norðurslóðum

Thor_aefingbatur

Landhelgisgæslan tók í vikunni þátt í ráðstefnu um stöðu og framtíðarþróun samgangna á norðurslóðum sem haldin var í Reykjavík. Ráðstefnan var liður í úttekt á flug- og siglingasamgöngum norðurslóða sem unnin er af vinnuhóp Norðurskautsráðsins um sjálfbæra þróun. Snorre Greil, stýrimaður flutti fyrirlestur sem m.a. fjallaði um leitar- og björgunaræfinguna SAREX Greenland Sea 2012.

Gæslu- og eftirlitsflug um svæðið frá Faxaflóa að Hrútafirði

TF-LIF_8625_1200

Þyrla Landhelgisgæslunnar fór í gær í gæslu- og eftirlitsflug um m.a. Faxaflóa, Hvammsfjörð, Hrútafjörð, Hornstrandir, Straumnes, Bjargtanga og Breiðafjörð. Flogið var um svæðið þar sem varð vart við borgarís í síðastliðinni viku og var hann nú ekki sjáanlegur. Einnig var flogið að Straumnesi þar sem skoðað var flakið af Jónínu Brynju.

Síða 1 af 2