Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Hreinsunarstarf í höfninni á Flateyri - 17.1.2020

20200117_143400

Varðskipið Þór er áfram til taks við Flateyri. Eftir hádegi hófst áhöfnin á Þór svo handa við hreinsun ásamt björgunarsveitarmönnum. Varðskipsmenn fóru á tveimur léttbátum frá varðskipinu og allskyns munir voru hreinsaðir úr höfninni. Þar á meðal voru fiskiker, gúmmíbjörgunarbátar, plaströr og fleira. Mest allt var svo híft með krana varðskipsins upp á bryggju. 

Áhöfnin á TF-GRO sótti veikan skipverja í grænlenskt línuskip - 17.1.2020

IMG_3476

Áhöfn þyrlu Landhelgisgæslunnar sótti veikan skipverja í grænlenskt línuskip sem statt var 144 sjómílur vestur af Bjargtöngum. Skipið var á milli Grænlands og Íslands þegar beiðni um aðstoð barst stjórnstöð Landhelgisgæslunnar.

Landhelgisgæslan leitar að starfsmanni í sjómælinga- og siglingaöryggisdeild. - 17.1.2020

Baldur-vid-maelingar-vid-solaruppras

Landhelgisgæsla Íslands leitar að öflugum, hugmyndaríkum og sveigjanlegum einstaklingum til starfa í sjómælinga- og siglingaöryggisdeild Landhelgisgæslunnar.

Margvísleg verkefni áhafnar varðskipsins Þórs - 16.1.2020

Image00005

Varðskipið Þór er komið að bryggju á Flateyri en áhöfnin hefur sinnt margvíslegum verkefnum undanfarinn sólarhring. Í gær voru björgunarsveitarmenn, áfallateymi og aðrir viðbragðsaðilar fluttir frá varðskipinu í land með léttbátum. 

Þyrlan farið fjórar ferðir á Vestfirði - 16.1.2020

20200116_101932

Þyrla Landhelgisgæslunnar hélt klukkan 14:00 í sitt fjórða flug á Vestfirði eftir að snjóflóðin féllu fyrr í vikunni. Verkefni bíða þyrlunnar á Flateyri og Ísafirði meðal annars stendur til að flytja mannskap og búnað milli Ísafjarðar og Flateyrar. Með í för eru einnig formenn stjórnarflokkanna sem ætla að kynna sér aðstæður auk forsvarsmanna helstu viðbragðsaðila.

Varðskipið Þór flutti mannskap og vistir vegna snjóflóða - 15.1.2020

IMG_0701

Áhöfnin á varðskipinu Þór var kölluð út á miðnætti vegna þriggja snjóflóða sem féllu á Flateyri og í Súgandafirði. Í síðustu viku ákvað Landhelgisgæslan að sigla skipinu vestur á firði vegna slæmrar veðurspár svo hægt væri að hafa skipið til taks ef á þyrfti að halda. 

Þyrla Landhelgisgæslunnar kölluð út í sjúkraflug á Vestfirði - 15.1.2020

IMG_3475

Áhöfn þyrlu Landhelgisgæslunnar var á þriðja tímanum í dag kölluð út í sjúkraflug vestur á Flateyri og Ísafjörð. Allt að þrír verða sóttir til Flateyrar og komið undir læknishendur á Ísafirði en vegna ófærðar síðustu daga hafa þeir ekki komist frá bænum. 

Áfram vakin athygli á hárri sjávarstöðu - 13.1.2020

Unspecified_1550677527731_1578935963271

Veðurspár gera ráð fyrir að á morgun og miðvikudag verði mjög djúp lægð skammt undan Austurlandi og getur lágur loftþrýstingur hennar mögulega haft talsverð áhrif á sjávarstöðu. Þrátt fyrir að stærsti straumur hafi verið í gær er enn stórstreymt og hvetur Landhelgisgæslan því til að fylgst verði með sjávarstöðu á flóði næstu daga.

Áhöfnin á TF-EIR sótti slasaðan skipverja - 13.1.2020

Thyrluaefing-TF-EIR-VS-TYR-14-

Skipstjóri frystitogara sem staddur var 40 sjómílur austur af Norðfjarðarhorni hafði samband við stjórnstöð Landhelgisgæslunnar og óskaði eftir aðstoð vegna slasaðs skipverja um borð. Eftir samráð við þyrlulækni var ákveðið að kalla út áhöfnina á TF-EIR til að sækja manninn. 

Landhelgisgæslan hlýtur jafnlaunavottun - 10.1.2020

IMG_7157

Landhelgisgæslan hlaut í dag jafnlaunavottun frá vottunarstofunni Vottun hf. Georg Kristinn Lárusson, forstjóri, og Svanhildur Sverrisdóttir, mannauðsstjóri, veittu í dag viðtöku skírteini þessu til staðfestingar ásamt Ólöfu Birnu Ólafsdóttur, gæðastjóra. Davíð Lúðvíksson, úttektarmaður, afhenti skírteinið fyrir hönd Vottunar hf. Jafnlaunavottunin tók gildi í desember.

Athygli vakin á hárri sjávarstöðu - 9.1.2020

Landhelgisgæslan vekur athygli á hárri sjávarstöðu um og eftir helgi en stórstreymt er á sunnudaginn. Um helgina er einnig gert ráð fyrir umhleypingasömu veðri með fremur lágum loftþrýstingi og því má gera ráð fyrir hærri sjávarstöðu en flóðspár gefa til kynna. 

Flutningaskip dregið að bryggju - 8.1.2020

Image1_1578479544691

Flutningaskipið Francesca sem slitnaði frá bryggju í Hafnarfirði á sjötta tímanum var dregið aftur að bryggjunni á níunda tímanum í morgun. Skipið er 4000 tonn og um borð var ellefu manna áhöfn. Varðskipið Týr, séraðgerðadeild Landhelgisgæslunnar, lögregla björgunarsveitir og dráttarbátar voru kallaðir út.

Vaktskýlið flutt af Faxagarði - 7.1.2020

IMG_6630

Vaktskýli Landhelgisgæslunnar var flutt frá Faxagarði í Reykjavík til Helguvíkur með varðskipinu Þór síðdegis í gær. Þar með lauk 60 ára sögu vaktskýlis Landhelgisgæslunnar sem hefur hýst vaktmenn á höfninni, fyrst við Ingólfsgarð og síðan við Faxagarð.

Áramótaannáll LHG 2019 - 30.12.2019

Thor

Árið 2019 er nánast á enda og nýtt ár handan við hornið. Árið sem nú er að líða hefur verið býsna tíðindaríkt í starfi Landhelgisgæslunnar og verkefnin sem starfsfólkið hefur fengist við verið bæði fjölbreytt og sum hver afar krefjandi.

Þór kominn til Reykjavíkur - 20.12.2019

IMGL2954

Varðskipið Þór kom til Reykjavíkur í morgun eftir annasama daga á Norðurlandi. Áhöfnin hefur staðið í ströngu að undanförnu og úthald varðskipsins var nokkuð lengra en upphaflegar áætlanir gerðu ráð fyrir.

Landhelgisgæslan tekur þátt í Grænum skrefum - 20.12.2019

LOGO300pt

Landhelgisgæsla Íslands skráði sig á dögunum í verkefnið Grænu skrefin. Verkefnið snýst um að efla vistvænan rekstur ríkisins með kerfisbundnum hætti. Alls taka 80 ríkisstofnanir þátt. 

Síða 1 af 7