Fréttayfirlit

Gæslu- og eftirlitsflug um Faxaflóa, vestur fyrir Garðskaga að Vestamannaeyjum

TF-GNA, þyrla Landhelgisgæslunnar fór í gær í gæslu- og eftirlitsflug sem hófst á að flogið var yfir skyndilokunarhólf vegna fiskveiða á Faxaflóa og síðan haldið vestur fyrir Garðskaga að Vestmannaeyjum. Samtals voru 25 skip og bátar auðkennd á svæðinu og voru allir með sín mál í lagi. 

Þyrla LHG sótti mann sem slasaðist við Lambafell

Þyrla Landhelgisgæslunnar var kölluð út kl. 13:28 í dag þegar þyrlan var við æfingar á Sandskeiði með undanförum Slysavarnarfélagsins Landsbjargar. Óskað var eftir aðstoð þyrlunnar við að flytja mann sem var talinn fótbrotinn við Lambafell. Ákveðið var að björgunarsveitarmenn færu með þyrlunni í útkallið og fór hún fór í loftið kl. 13:34. 

Norsk loðnuskip komin á miðin

lodna_jpg_640x800_sharpen_q95

Fyrsta norska loðnuskipið á þessari vertíð kom inn í íslenska efnahagslögsögu síðastliðinn laugardag og eru nú tvö skip komin á miðin fyrir norð-austan land. Erlend loðnuskip hafa tilkynningaskyldu gagnvart Landhelgisgæslunni meðan þau eru innan hafsvæðisins, tilkynna þegar þau koma inn og sigla út úr íslenskri efnahagslögsögu, þau þurfa að vera í ferilvöktun og senda aflatilkynningar.

Nýr þyrluflugmaður kominn á fastar vaktir hjá LHG

Jóhannes Jóhannesson, þyrluflugmaður sem var í haust ráðinn til Landhelgisgæslunnar hefur nú lokið grunnþjálfun sem er krafist til starfsins og mun í framhaldinu fara yfir á fastar vaktir flugdeildarinnar. Grunnþjálfun hefur staðið yfir í um fjóra mánuði en hún felst í æfingum bæði á sjó og landi.

Vélarbilað flutningaskip á leið til hafnar - Varðskipið Þór til taks á svæðinu

Varðskipið Þór

Landhelgisgæslunni barst kl. 05:44 í morgun tilkynning um vélarbilun frá gámaflutningaskipinu Horst B sem var þá staðsett um 25 sjómílur VSV af Reykjanestá.  Skipið gat þrátt fyrir bilunina haldið 3-5 hnúta ferð og stefnir skipið nú í aðskildar siglingaleiðir N- af Garðskaga. Landhelgisgæslan hefur fylgst með siglingu Horst B í dag og verður varðskipið Þór til taks á svæðinu þegar skipið heldur inn í Faxaflóa.

Sóttu slasaðan göngumann

Þyrla Landhelgisgæslunnar var kölluð út í dag kl. 14:10 eftir að maður slasaðist alvarlega eftir fall í hlíðum Esju. TF-SYN fór í loftið kl. 14:34 og lenti á slysstað kl. 14:46. Læknir og sjúklingur bjuggu um sjúkling og var hann síðan settur í börur og hífður upp í þyrluna. Aðgerðum á slysstað var lokið kl. 15:03 og var lent við Landspítala í Fossvogi kl. 15:07. 

Verkfalli flugvirkja aflýst - nýr kjarasamningur hefur verið undirritaður

Verkfalli flugvirkja hjá Landhelgisgæslunni hefur verið aflýst en samningar tókust rétt eftir miðnætti.

Landhelgisgæslan vonast til að afstýra megi verkfalli

Nú stendur yfir hjá Ríkissáttasemjara fundur vegna kjaradeilu flugvirkja hjá Landhelgisgæslu Íslands, og samninganefndar ríkisins og vonast Landhelgisgæslan til að afstýra megi verkfalli. Landhelgisgæslan hefur unnið, í samvinnu við innlenda og erlenda samstarfsaðila, að því að bregðast við hugsanlegri skertri viðbragðsgetu Landhelgisgæslunnar verði af boðuðu verkfalli flugvirkja sem hefjast á í fyrramálið kl. 06.

Slasaður vélsleðamaður sóttur í Hlíðarfjall

GNA2

Landhelgisgæslu Íslands barst kl. 17:42 beiðni frá fjarskiptamiðstöð ríkislögreglustjóra um að þyrla yrði kölluð út eftir að maður slasaðist á vélsleða í Hlíðarfjalli. Þyrla Landhelgisgæslunnar fór í loftið kl. 18:26 og flaug beint á slysstað þar sem var lent kl. 19:40.  Maðurinn var fluttur um borð í þyrluna og var lent við Fjórðungssjúkrahúsið á Akureyri kl. 19:53.

Fulltrúar Landhelgisgæslunnar í stjórnstöð Frontex nauðsynlegir fyrir varðskip og flugvél á svæðinu

LHG_SamvinnaAegirSif

Flugvél Landhelgisgæslunnar og varðskipið Týr eru um þessar mundir við eftirlit fyrir Frontex, Landamærastofnun EU á hafsvæðinu í kringum Ítalíu. Landhelgisgæslan (LHG) er nú, sem endranær, með fulltrúa í sameiginlegri stjórnstöð á Ítalíu sem tekur þátt í áætlanagerð og er milliliður við varðskip og flugvél LHG.

Þyrla LHG sótti mann sem slasaðist í Eyjafirði

Þyrla Landhelgisgæslunnar sótti rétt fyrir klukkan fjögur í dag mann sem slasaðist í Litladal í Eyjafirði. Var hann fluttur á Fjórðungssjúkrahúsið á Akureyri. Þyrlan var kölluð út klukkan 14:17 og fór í loftið frá Reykjavík kl. 14:40. Lent var á slysstað kl. 15:46 

Bandaríska strandgæslan hélt námskeið um skipulagningu, leitar og björgunaraðgerða.

Í dag lauk í Keflavík vikunámskeiði bandarísku strandgæslunnar sem haldið var fyrir starfsmenn Landhelgisgæslunnar, Slysavarnarfélagsins Landsbjargar og erlenda samstarfsmenn frá Grænlandi, Færeyjum og Noregi. Námskeiðið fjallaði um skipulagningu leitar- og björgunaraðgerða á hafinu og var í umsjón kennara frá sérskóla bandarísku strandgæslunnar á sviði leitar og björgunar. Námskeiðinu lauk í dag með formlegri útskrift og afhendingu skírteina. 

Þyrla danska varðskipsins Triton í flugskýli LHG

Lynx þyrla danska varðskipsins Triton er nú staðsett í flugskýli Landhelgisgæslunnar þar sem flugvirkar danska sjóhersins vinna að reglubundinni skoðun hennar. Gert er ráð fyrir að skoðunin taki u.þ.b. viku. Landhelgisgæslan er með samning við danska sjóherinn sem er að jafnaði með Lynx þyrlur um borð í skipum sínum sem eiga viðdvöl hér við land. Hafa þær reglulega verið í viðbragðsstöðu fyrir þyrlur Landhelgisgæslunnar.

Vakin athygli á hárri sjávarstöðu

Sjavarhaed_flod

Landhelgisgæslan vill vekja athygli á hárri flóðstöðu við Suðvesturland á morgun miðvikudag, þar sem saman fer stórstreymi og lár loftþrýstingur.
Flóðhæð í Reykjavík orðið um 4,7 til 5.0 m.

Þyrla LHG sótti sjúkling á Kirkjubæjarklaustur

Þyrla Landhelgisgæslunnar var kölluð út kl. 16:16 að beiðni læknis á Kirkjubæjarklaustri eftir að fjögurra ára drengur lenti í alvarlegu óhappi. Þyrluáhöfn var þá nýkomin úr æfingu og var TF-GNA komin í loftið kl. 16:39. Flogið var frá Reykjavík á móti sjúkrabíl sem flutti sjúklinginn.

Gríðarstórt flutningaskip á leið framhjá landinu

Varðstjórar í stjórnstöð Landhelgisgæslunnar og vaktstöð siglinga komu í gær auga á þetta stóra skip, Navios Bonavis, skráð í Panama en í grískri eigu, í fjareftirlitskerfum stöðvarinnar í þar sem það var statt um 70 sjómílur suður af Ingólfshöfða þar sem það sigldi á hægri ferð í vestur. Skipið er tæp 100 þúsund tonn, tæplega 300 m langt og 45 metrar á breidd. Það ristir lestað um 12 metra.

Síða 1 af 2