Guðríður í viðtali við sænska ríkisútvarpið
Guðríður útskýrði hvernig Landhelgisgæslan starfar og með hvaða hætti eftirliti á hafinu umhverfis landið fer fram
22.6.2023 Kl: 13:09
Sænska ríkisútvarpið heimsótti Landhelgisgæsluna á dögunum í þeim tilgangi að afla upplýsinga fyrir umfjöllun um stöðu íslands innan Atlantshafsbandalagsins og hvernig eftirliti umhverfis landið er háttað.
Útvarpskonan Carina Holmberg hitti Guðríði Margrét Kristjánsdóttur, yfirlögfræðing Landhelgisgæslunnar, um borð í varðskipinu Þór þar sem .Guðríður útskýrði hvernig Landhelgisgæslan starfar og með hvaða hætti eftirliti á hafinu umhverfis landið fer fram
Guðríður bjó og starfaði í Svíþjóð í fjölmörg ár og því voru hæg heimatökin að svara spurningum útvarpskonunnar á sænsku. Umfjöllunin var flutt í morgunþætti sænska útvarpsins í síðustu viku. Þórdís Kolbrún Reykfjörð Gylfadóttir, utanríkisráðherra, var einnig til viðtals.
Umfjöllunina má finna hér:
esradio.se/artikel/natos-solidaritet-provas-pa-island
Guðríður Margrét í viðtali.