TF-LÍF í sjúkraflug til Stykkishólms

Fimmtudagur 1. september 2011

 Landhelgisgæslunni barst kl. kl 05:32 beiðni frá lækni í Stykkishólmi um þyrlu vegna bráðveikrar konu.  Þyrla LHG var kölluð út og fór TF-LÍF í loftið kl. 06:07. Flogið var beint á flugvöllinn í Stykkishólmi en þar beið sjúkrabifreið með konuna. Var hún flutt yfir í þyrluna og farið að nýju í loftið kl. 06:50. Lent var á Landspítalanum í Fossvogi kl. 07:30.