Landhelgisgæslan æfir með Herjólfi
Mánudagur 8. apríl 2013
Síðastliðinn laugardag fóru fram æfingar varðskips og þyrlu Landhelgisgæslunnar með farþegaskipinu Herjólfi. Æfingar sem þessar eru liður í viðbragðsáætlunum og skiptust þær í tvo þætti. Fyrri æfingin haldin um daginn þar sem Herjólfur var tekinn í tog af varðskipinu og fékk áhöfnin þjálfun í verklagi sem því fylgir. Um kvöldið kom svo þyrla LHG á vettvang og seig stýrimaður/sigmaður þyrlunnar um borð í Herjólf og leiðbeindi hann áhöfninni við móttöku á þyrlu og undirbúningi fyrir þyrluhífingu.
Gengu æfingarnar mjög vel en samkvæmt lögum er skylt að halda æfingar sem þessar og er eitt af hlutverkum Landhelgisgæslunnar er að hafa eftirlit með þessum málaflokki.
Myndirnar eru teknar af áhöfn v/s Þór nema myndin af Þór hún er fengin frá almannavarnadeild RLS.
Skipherra og yfirstýrimaður við stjórntök,
Dráttarbúnaðurinn tilbúinn,
Línu skotið yfir í HERJÓLF,
Verið að draga tildráttartaugina yfir í HERJÓLF og
Herjólfur kominn í tog.
Mynd Hákon Örn Halldórsson, vélstjóri