Þrír staðnir að meintum ólöglegum veiðum

Eftirlitsmenn frá varðskipinu Tý sendir um borð í einn þeirra.

28.9.2020 Kl: 15:52

Í liðinni viku voru þrjú íslensk fiskiskip staðin að meintum ólöglegum veiðum innan lokaðra svæða í íslensku efnahagslögsögunni. Á þriðjudagskvöld urðu varðstjórar í stjórnstöð Landhelgisgæslunnar varir við að fiskiskip væri á togferð innan lokaðs hólfs þar sem ekki er heimilt að veiða með fiskibotnvörpu. Skipstjórinn sagðist ekki hafa vitað af lokuninni og var varðskipið Týr sent á staðinn. Eftirlitsmenn varðskipsins fóru um borð þegar skipið kom til hafnar og framkvæmdu rannsókn.

Varðastjórar í stjórnstöð urðu einnig áskynja um meintar ólöglegar veiðar tveggja fiskiskipa til viðbótar. Landhelgisgæslan hafði samband við bæði skipin sem voru einnig innan lokaðra svæða. Öll málin verða kærð til lögreglu.