Þyrla Landhelgisgæslunnar, TF-LÍF er nú rétt ókomin að rússneskum togara sem var að veiðum á Reykjaneshrygg er beiðni barst frá togaranum um þyrlu til að sækja veikan skipverja um borð. 

Þyrla Landhelgisgæslunnar flutti í dag slasaðan mann af Þveráregg í sunnanverðum Vatnajökli en maðurinn hafði slasast á göngu. Að því loknu hélt þyrlan upp í Holuhraun þar sem verið er að skipta um og lagfæra myndavélar með Almannavörnum.

Stjórnstöð Landhelgisgæslunnar barst rétt fyrir klukkan ellefu í morgun beiðni frá strandveiðibát sem staddur var skammt undan Stigahlíð í Ísafjarðardjúpi og hafði fengið net í skrúfuna.

Stjórnstöð Landhelgisgæslunnar barst nú klukkan 15:40 beiðni um aðstoð frá 15 tonna fiskibáti sem var vélarvana undan Straumnesi. Þá þegar var varðskipið Ægir, sem statt var úti fyrir sunnanverðu Ísafjarðardjúpi kallað til auk þyrlu Landhelgisgæslunnar sem var í eftirlitsflugi við Vestmannaeyjar. Afar mikil sjósókn hefur verið í dag og sú mesta sem af er ári. 

Í dag var sjómannadagurinn haldinn hátíðlegur um land allt. Landhelgisgæslan tók þátt í hátíðarhöldunum með ýmsum hætti. Meðal annars voru skipsáhafnir Landhelgisgæslunnar heiðraðar af Sjómannafélagi Vestmannaeyja fyrir björgunarafrek áhafnanna á Miðjarðarhafi.

Af gefnu tilefni vill Landhelgisgæslan koma á framfæri tengli sem birtur hefur verið á vef Fiskistofu varðandi sjósókn strandveiðibáta daginn eftir sjómannadag sem og upplýsingum úr lögum varðandi sama efni.

Það var eldhress hópur flottra krakka af leikskólanum Sólborg sem heimsótti flugskýli Landhelgisgæslunnar í morgun. Krakkarnir sem eru af elstu deild skólans, eru þessa dagana í margvíslegum vettvangsferðum og fræddust í morgun um þyrlur og flugvél Landhelgisgæslunnar.

Yfirmaður bandarísku strandgæslunnar, aðmíráll Paul F. Zukunft heimsótti Landhelgisgæsluna í dag ásamt sendiherra Bandaríkjanna á Íslandi Robert C. Barber og fylgdarliði. Georg Kristinn Lárusson forstjóri Landhelgisgæslunnar tók á móti gestunum ásamt fulltrúum Landhelgisgæslunnar.

Varðskipið Týr kom heim í dag eftir ríflega hálfs árs veru á Miðjarðarhafi við landamæragæslu og björgunarstörf á vegum Frontex, Landamærastofnunar Evrópusambandsins. Georg Kristinn Lárusson forstjóri Landhelgisgæslunnar tók á móti áhöfninni við heimkomuna í dag og þakkaði henni fyrir unnin afrek.

Áhöfnin á TF-SIF, flugvél Landhelgisgæslunnar sem nú er við störf á Miðjarðarhafi á vegum Frontex, Landamærastofnunar Evrópusambandsins, hefur haft í nógu að snúast undanfarna daga. Síðan á föstudag hefur yfir 5.000 flóttamönnum verið bjargað af sökkvandi bátum sem lögðu upp frá Líbýu yfir hafið áleiðis til Ítalíu. Var flugvél Landhelgisgæslunnar þátttakandi í aðgerðum.