Áhöfn varðskipsins Þórs fór nýverið í land í Kolbeinsey og mældu eyjuna en hún er nú orðin tvískipt og hefur mjög látið undan ágangi sjávar, hafíss og veðra. Kolbeinsey er nyrsti punktur Íslands og var miðað við hana þegar fiskveiðilögsagan var færð út í 200 mílur og mörkuð var miðlína milli Grænlands og Íslands.

Strandveiðar eru nú í fullum gangi og 925 skip og bátar á sjó innan íslenska hafsvæðisins. Mikið er að gera í stjórnstöð Landhelgisgæslunnar enda hafa ekki verið fleiri á sjó á árinu. Samkvæmt upplýsingum greiningardeildar aðgerðasviðs eru flestir með haffæris- og lögskráningarmál í lagi.

Landhelgisgæslan fékk í vikunni heimsókn varnarmálafulltrúa átta þjóða, Ítalíu, Kanada, Frakklands, Bandaríkjanna, Finnlands, Þýskalands, Bretlands og Hollands sem komu til að kynna sér öryggis- og varnarmál hér á landi.Áttu þeir m.a. fundi með varnarmáladeild utanríkisráðuneytisins, Landhelgisgæslunni og ríkislögreglustjóra.

Varðskipið Þór tók um helgina þátt í hátíðahöldum sjómannadagsins á Bolungarvík og Flateyri. Farin var skemmtisigling með gesti og var skipið opið til sýnis. Einnig tók áhöfnin þátt í kappróðri og öðrum viðburðum helgarinnar. Á laugardag veitti Landhelgisgæslan viðtöku heiðursviðurkenningu fyrir einstakt björgunarafrek þyrluáhafnar TF-LIF við strand Jónínu Brynju ÍS-55

Loftrýmisgæsla Atlantshafsbandalagsins við Ísland hefst á ný mánudaginn 10. júní nk. með komu flugsveitar ítalska flughersins. Alls munu um 150 liðsmenn ítalska flughersins taka þátt í verkefninu og koma þeir til landsins með sex F-2000 orrustuþotur, B767 eldsneytisvél og C130 birgðaflutningavél. Gera má ráð fyrir aðflugsæfingum að varaflugvöllum á Akureyri og hugsanlega Egilsstöðum 12.-14. júní nk.

Það var áhugasamur hópur barna úr Ölduselsskóla sem heimsótti nýverið flugdeild Landhelgisgæslunnar. Börnin skoðuðu bæði þyrluna Líf og flugvélina Sif en það var Thorben J. Lund yfirstýrimaður sem fræddi þau um tækin og flugdeildina. Börnin sýndu mikinn áhuga og margar skemmtilegar spurningar voru lagðar fyrir Thorben sem hann svaraði fumlaust enda vanur maður þar á ferð.

Sjómannadagshelgin er haldin hátíðleg víða um land með samkomum við allra hæfi. Varðskipið Þór tók í gær þátt í hátíðarhöldum á Bolungarvík og tekur varðskipið í dag þátt í hátíðarhöldum á Flateyri. Að venju á Sjómannadaginn var haldin athöfn við Fossvogskapellu í Fossvogskirkjugarði.  Starfsmenn Landhelgisgæslunnar og áhöfn frönsku skonnortunnar Etoile stóðu heiðursvörð og lagður var blómsveigur að Minningaröldum Sjómannadagsins. Hanna Birna Kristjánsdóttir, innanríkisráðherra tók þátt í athöfninni.

Þyrla Landhelgisgæslunnar fann kl. 23:28 frönsku stúlkuna sem leitað hefur verið að frá því í gærkvöldi milli Vatnsdals og Dumbudals sem er austur af botni Skötufjarðar.  Var hún komin langleiðina yfir Skötufjarðarheiði. Konan var vel áttuð, köld og blaut en annars þokkalega á sig komin. Þyrlan lenti með konuna kl. 23:45 á Ísafirði. Ekki var ekki talin þörf á að flytja frönsku stúlkuna með þyrlunni til Reykjavíkur heldur var hún flutt á sjúkrahúsið á Ísafirði til skoðunar.

Landhelgisgæslan veitti í dag móttöku heiðursviðurkenningu Sjómannadagsins í Bolungarvík í ár vegna frækilegs björgunarafreks áhafnar TF-LÍF við strand Jónínu Brynju ÍS-55 við Straumnes þann 25. nóvember 2012. Varðskipið Þór leiddi í morgun hátíðarsiglingu skipa og báta í Bolungarvík og var skipið skipið síðan opið sýnis fyrir gesti hátíðarinnar.

hefur ekki sést frá því hún lagði af stað um klukkan tíu í gærmorgun og ætlaði í Heydal. Búið var að svipast um eftir konunni án árangurs.Þyrla var kölluð út og fór TF-LÍF í loftið kl.  03:18 til leitar. Leitað var í 3 ½ klst á svæðinu.