Fréttir

Ratsjármyndir af Holuhrauni með nánari upplýsingum - 29.8.2014

Hér eru myndir sem Jarðvísindastofnun Háskóla Íslands vann úr gögnum sem safnað var í dag með radar- og eftirlitsbúnaði TF-SIF.

Lesa meira

Leiðangur með TF-SIF til að skoða eldstöðvar í Holuhrauni - 29.8.2014

Áhöfn flugvélar Landhelgisgæslunnar var kölluð út í morgun til að kanna aðstæður í Holuhrauni, við Bárðarbungu, Dyngjujökul og Öskju Farið var í loftið kl 09:30 og og komið aftur til Reykjavíkur um klukkan 13:00. Eldgosið sem hófst á miðnætti stóð að líkindum í þrjá eða fjóra klukkutíma og er því lokið. Gígaröðin er 900 metra löng og liggur hún um fimm kílómetra frá jökulröndinni.

Lesa meira

Engar frekari breytingar sjáanlegar í flugi TF-SIF - 28.8.2014

Flugvél Landhelgisgæslunnar, TF-SIF flaug í morgun með vísindamenn og fulltrúa almannavarna yfir Vatnajökul. Markmið flugsins var að skoða betur sigkatla sem fundust í Bárðarbungu í gær. Einnig var flogið lágflug yfir Hágöngulón og Köldukvísl. Engar breytingar voru sjáanlegar í fluginu.

Lesa meira

Áhöfn varðskipsins Ægis losaði hnúfubak úr netatrossu - 28.8.2014

Skipstjórinn á Gammi SK 12 hafði samband við stjórnstöð Landhelgisgæslunnar klukkan 11:07 í gærmorgun og óskaði eftir aðstoð gæslunnar við að losa hnúfubak sem hafði fest sig í netatrossu sem hann var að draga á Skagafirði. Hann hafði reynt að losa hann sjálfur en hafði við það tapað hakanum sínum þegar hvalurinn sló hann frá sér með sporðinum. Komu þá varðskipsmenn til aðstoðar og náðu að lokum að losa hnúfubakinn. Hér er myndskeið sem sýnir björgunaraðgerðir.

Lesa meira

Sprungur í sporði Dyngjujökuls sem ekki sáust í fyrri eftirlitsgögnum TF-SIF - 27.8.2014

TF-SIF, flugvél Landhelgisgæslunnar lenti í Reykjavík kl. 21:23 eftir átta tíma eftirlitsflug með vísindamenn og fulltrúa almannavarnardeildar ríkislögreglustjóra yfir Grímsvötn, Bárðarbungu, Dyngjujökul og Öskjuvatn. Gögnum var safnað með ratsjár og eftirlitsbúnaði flugvélarinnar en nokkuð erfiðar aðstæður voru gagnasöfnunar. Í fluginu sáust m.a. sprungur sem hafa myndast í sporði Dyngjujökuls, norðaustur af Bárðarbungu. 

Lesa meira

TF-SIF flaug yfir Bárðarbungu og Dyngjujökul  - 26.8.2014

Flugvél Landhelgisgæslunnar flaug í dag yfir Bárðarbungu, Dyngjujökul, Öskju, Kverkfjöll og Herðubreið og aflaði gagna með ratsjár- og eftirlitsbúnaði flugvélarinnar. Ágætt skyggni var á svæðinu og sáust engar breytingar á yfirborðinu. Hér eru nokkrar myndir sem voru teknar í fluginu. 

Lesa meira

Mælum komið fyrir á hafsbotni umhverfis Reykjanes - Sjófarendur beðnir um að veita staðsetningum athygli - 25.8.2014

Íslenskar orkurannsóknir / Iceland GeoSurvey hafa nú lokið við að setja niður 24 jarðskjálftamælana á hafsbotninn umhverfis Reykjanes. Jarðskjálftamælunum er ætlað að liggja á hafsbotninum og mæla jarðskjálftabylgjur í um eitt ár. Leitað var eftir samstarfi við útgerðir og skipstjóra við ákvörðunartöku um staðasetningar á mælunum og eru sjófarendur beðnir um að veita staðsetningum þeirra athygli í von um að hægt sé að forða þeim frá því að lenda í veiðafærum skipa. Lesa meira

Radarupplýsingar TF-SIF bornar saman við fyrri gögn - 24.8.2014

TF-SIF flaug í gær með vísindamenn frá Jarðvísindastofnun, Veðurstofu og Almannavarnadeild ríkislögreglustjóra vegna aukinna jarðhræringa við Bárðarbungu. Þegar komið var á sæðið var bjart yfir og enginn gosmökkur sjánlegur

Lesa meira

TF-SYN flýgur með vísindamenn til að meta aðstæður - TF-SYN setur upp endurvarpa á Herðubreið - 23.8.2014

Flugvél Landhelgisgæslunnar TF-SIF fór í loftið klukkan 13:40 með jarðvísindamenn til að skoða aðstæður og kortleggja breytingar með eftirlits- og ratsjárbúnaði flugvélarinnar. Flugvélin flaug yfir svæðið á miðvikudag og verða rannsóknir bornar saman til að meta þróunina.

Lesa meira

TF-SYN í þrjú útköll eftir hádegi - 22.8.2014

Þyrla Landhelgisgæslunnar, TF-SYN lenti við Landspítalann í Fossvogi klukkan 16:16 með tvo slasaða einstaklinga sem slösuðust annars vegar á Langjökli og hins vegar á Kjalvegi. Hefur þyrluáhöfnin þá sinnt þremur útköllum frá því um hádegi. 

Lesa meira

Flugvélin TF-SIF flutti varahluti í togara - 22.8.2014

Flugvél Landhelgisgæslunnar fór í dag í eftirlitsflug um Vestur og SV-mið, auk þess sem fluttir voru varahlutir færeyska togarann Naeraberg sem staðsettur er inni í lögsögu Grænlands. Alls sáust 512 skip, innan og utan hafna í eftirlitskerfum flugvélarinnar.

Lesa meira

Sóttu slasaðan sjómann í lögsögu Grænlands - 21.8.2014

Landhelgisgæslunni barst um miðnætti aðstoðarbeiðni frá þýskum togara um að sækja slasaðan skipverja. Tog­ar­inn var þá stadd­ur djúpt úti fyr­ir Vest­fjörðum, um 140 sjómílur norður af Straumnesi, inni í lög­sögu Græn­lands. Vegna fjarlægðar var nauðsynlegt að kalla út bakvakt á þyrlu Landhelgisgæslunnar og fóru TF-LÍF og TF-SYN frá Reykja­vík klukk­an 01:49.

Lesa meira

Gögnum safnað við Bárðarbungu og Jökulsá á Fjöllum - 20.8.2014

TF-SIF lenti í Reykjavík kl. 19:50 eftir sjö klukkustunda eftirlitsflug með vísindamenn frá Veðurstofu og Jarðvísindastofnun vegna jarðhræringa í Bárðarbungu. Flogið var norður fyrir Vatnajökul þar sem Bárðarbunga var mynduð ásamt Jökulsá á Fjöllum. Einnig var flogið yfir svæðið í leit að ferðamönnum sem gætu verið inni á lokunarsvæði.

Lesa meira

TF-SIF á leið til Reykjavíkur - 20.8.2014

SIF4_AS

TF-SIF er nú á leið til Reykjavíkur eftir að hafa kannað aðstæður við Bárðarbungu og safnað efni með hitamyndavél, eftirlits- og ratsjárbúnaði.  Flugvélin fór til eldsneytistöku á Egilsstöðum um kl. 16.45 og var síðan haldið áfram rannsóknum á svæðinu.  Áætlað er að flugvélin lendi í Reykjavík klukkan 19.45.

Lesa meira

Vísindamenn fljúga með TF-SIF - 20.8.2014

Flugvél Landhelgisgæslunnar, TF-SIF fór í loftið um kl. 13:00 með hóp vísindamanna um borð. Markmið flugsins er að safna gögnum með ratsjár- og eftirlitsbúnaði flugvélarinnar og er vonast til að flugið skili niðurstöðum sem hægt verður að nota til að meta aðstæður á svæðinu. Einnig er reiknað með að fljúga um svæðið til að rannsaka hvort ferðamenn séu ennþá innan svæðisins.

Lesa meira

Lokun svæðis innan Reykjavíkurhafnar meðan flugeldasýning menningarnætur stendur yfir - 20.8.2014

Meðan flugeldasýning menningarnætur stendur yfir, kl. 22:50 til 23:20 nk. laugardag, mun afmarkað svæði innan Reykjavíkurhafnar, umhverfis Faxagarð, verða lokað fyrir allri báta og skipaumferð. Eftirlitsbátur frá Landhelgisgæslu Íslands verður á svæðinu með hlustvörslu á rás 16 og 12 ásamt bátum frá Landsbjörgu

Lesa meira

TF-SIF flaug yfir Vatnajökul við komuna til landsins - 19.8.2014

TF-SIF, flugvél Landhelgisgæslunnar kom til Reykjavíkur í kvöld en eins og komið hefur fram var vélin kölluð heim til að taka þátt í viðbúnaði vegna jarðskjálftavirkni í norðvestanverðum Vatnajökli. Fyrir komuna til Reykjavíkur var flogið yfir Vatnajökul og safnað gögnum með eftirlits- og ratsjárbúnaði flugvélarinnar.

Lesa meira

TF-SIF á leið heim - búnaður vélarinnar afar gagnlegur við mat á aðstæðum - 19.8.2014

Flugvél Landhelgisgæslunnar, TF-SIF er nú á leið heim frá Sikiley á Ítalíu.  Vélin hefur viðkomu til eldsneytistöku í Bretlandi og er væntanleg til landsins seinnipartinn í dag.

Lesa meira

Landhelgisgæslan kallar eftirlitsflugvélina TF-SIF heim vegna aðstæðna í norðanverðum Vatnajökli - 18.8.2014

Vegna aðstæðna í norðanverðum Vatnajökli hefur Landhelgisgæslan ákveðið að kalla TF-SIF, eftirlitsflugvél Landhelgisgæslunnar heim frá útlöndum en hún er nú við landamæragæslu í sunnanverðu Miðjarðarhafi.

Lesa meira



Þetta vefsvæði byggir á Eplica