Hanna Birna Kristjánsdóttir innanríkisráðherra heimsótti Landhelgisgæslu Íslands í dag ásamt fylgdarliði. Georg Kr. Lárusson, forstjóri Landhelgisgæslunnar bauð gestina velkomna og var síðan heilsað upp á starfsmenn og ræddar helstu áherslur og staða mála víða í starfseminni.

Talsverður erill var hjá Landhelgisgæslunni skömmu eftir hádegi í dag þegar tvær aðstoðarbeiðnir bárust með skömmu millibili. Neyðarlínan upplýsti stjórnstöð Landhelgisgæslunnar kl. 12:55 um að karlmaður á sextugsaldri hefði slasast á ökkla á Laugarnípu í Esjunni. Maðurinn væri ógangfær og búið væri að boða út björgunarsveitir Slysavarnarfélagsins Landsbjargar í nágrenninu. Hittist þá svo vel á að þyrla Landhelgisgæslunnar, TF-SYN var á heimleið úr venjubundnu æfingarflugi og var henni beint á staðinn.

Nýverið var undirritaður samningur milli Landhelgisgæslu Íslands og Isavia um endurnýjun á VORTAC-flugvitum á Keflavíkurflugvelli.  Annars vegar er um að ræða flugvita fyrir borgaralegt flug og hins vegar fyrir herflug. Verkefnið er fjármagnað með framlögum frá Alþjóðaflugmálastofnunni og Mannvirkjasjóði Atlantshafsbandalagsins. 

Fiskibátur úti fyrir Vestfjörðum hafði samband við Landhelgisgæsluna kl. 18:27 í kvöld og óskaði eftir aðstoð vegna leka sem hafði komið upp í vélarrúmi. Tveir menn voru um borð.

Þyrla Landhelgisgæslunnar var kölluð út kl. 11:54 að beiðni læknis í Ólafsvík eftir að fjórhjólaslys varð nærri Miðhúsum á Snæfellsnesi. Var þyrlan TF-LÍF þá í æfingum við Skorradalsvatn og snéri tafarlaust til Reykjavíkur til eldsneytistöku. Fór hún að nýju í loftið kl. 12:40 og og lenti við bæinn Miðhús á Snæfellsnesi kl. 13:04 þar sem sjúkrabíll beið með hina slösuðu

Landhelgisgæslunni barst klukkan þrjú í nótt beiðni um aðstoð um neyðar & uppkallsrásina VHF-CH 16 frá átta tonna fiskibát með tvo menn um  borð.  Var báturinn vélarvana um 1,6 sjómílur frá landi á Fljótavík, norðan Straumness. Áætlaði skipstjóri að báturinn yrði kominn í strand eftir u.þ.b. 40 mínútur, miðað við rekhraða. Kallaðar voru út Björgunarsveitir á Hnífsdal, Bolungarvík og Ísafirði, sem og þyrla Landhelgisgæslunnar.

Þyrla Landhelgisgæslunnar var kölluð út kl. 14:10 að beiðni læknis í Stykkishólmi vegna veikinda í Ólafsvík. Fór þyrlan í loftið kl. 14:45 og lenti á Rifi kl. 15:25. Þegar þyrlan var á leið til Reykjavíkur kl. 15:47 óskaði læknir í Stykkishólmi að nýju eftir þyrlunni vegna alvarlegra veikinda. Þyrlunni var snúið við og flaug hún til móts við sjúkrabíl sem var á leið frá Stykkishólmi.

Flugvél Landhelgisgæslunnar, TF-SIF fór í gæslu og eftirlitsflug í gær þar sem fylgst var með umferð á miðunum umhverfis landið. Talsvert hefur fjölgað á sjó í blíðviðrinu að undanförnu og komu samtals 670 skip og bátar inn í fjareftirlitskerfi flugvélarinnar,  innan og utan hafna.

Landhelgisgæslunni barst kl. 15:06 aðstoðarbeiðni á rás 16, frá 7 tonna fiskibát sem mikill leki hafði komið að í mynni Reyðarfjarðar.  Einn maður var um borð  og ágætt veður á svæðinu. Samstundis voru kallaðar út sjóbjörgunarsveitir Slysavarnarfélagsins Landsbjargar á Austurlandi, þ.a.m. björgunarskipið Hafbjörg á Neskaupsstað.  Einnig var kallaður út dráttarbáturinn Vöttur á Reyðarfirði og þyrla Landhelgisgæslunnar.

Georg Kr. Lárusson, forstjóri Landhelgisgæslu Íslands og Jón B. Guðnason framkvæmdastjóri lofthelgis- og öryggismálasviðs Landhelgisgæslunnar héldu í gær erindi á fundi Varðbergs, samtaka um vestræna samvinnu og alþjóðamál. Fjallað var um breytingar sem hafa orðið á starfssviði og umgjörð Landhelgisgæslunnar á síðastliðnum árum,

Landhelgisgæslan tók í gær þátt í málþingi Háskóla Íslands um öryggismál á Norðurslóðum. Rætt var um málefni sem hafa hvað mesta þýðingu fyrir stjórnvöld varðandi þróun svæðisins, samstarf Norðurskautsráðsins en Kanada fer nú með formennsku þess, helstu áskoranir, gagnaöflun, úrvinnslu og viðbragðsáætlanir. Snorre Greil, stýrimaður hjá Landhelgisgæslu Íslands fjallaði um það sem snýr að leitar- og björgunarmálum á svæðinu

Ískort afhenti í gær flugdeild Landhelgisgæslunnar nýjan kortagrunn sem er sérstaklega útbúinn með þarfir þyrlusveitarinnar í huga. Hefur hann gríðarlega mikla þýðingu fyrir þyrludeildina og mun þetta auka öryggi í flugi til muna. Eru þar með sjónarmið flugöryggis, leitar á landi og á sjó sameinuð í eitt kortasafn en hingað til hafa leiðsögukort um borð í loftförum Landhelgisgæslunnar ekki falið í sér svo margvíslegar upplýsingar. Í kortagrunninum eru dregnir fram þeir þættir sem auka öryggi á flugi.