Fréttir

Tilkomumikil sjón og söguleg stund - 29.4.2009

Thor04_GeorgAvarp

Nýtt fjölnota varðskip Landhelgisgæslunnar stóreykur björgunargetu Íslendinga og myndar öflugan hlekk í björgunarkeðju á Norður-Atlantshafi

Það var tilkomumikil sjón þegar nýtt fjölnota varðskip Íslendinga var í dag sjósett við hátíðlega athöfn í ASMAR skipasmíðastöð sjóhersins í Chile og um leið gefið nafnið Þór. Georg Kr. Lárusson forstjóri Landhelgisgæslunnar flutti hátíðarræðu við athöfnina en hann var viðstaddur hana ásamt Þórunni J. Hafstein skrifstofustjóra í dóms- og kirkjumálaráðuneytinu.

Á myndinni má sjá Georg Kr. Lárusson flytja ræðu sína við hlið þessa glæsilega skips.

Lesa meira

TF-EIR bjargar konu í hlíðum Vífilsfells - 27.4.2009

TF-EIR
TF-EIR, þyrla Landhelgisgæslunnar var kl. 19:15 á sunnudag beðin um að taka þátt í leit að konu sem vitað var að væri í sjálfheldu í vesturhlíðum Vífilsfells. Stjórnstöð Landhelgisgæslunnar hafði þá fengið fregnir af leitinni sem hafin var af Slysavarnarfélaginu Landsbjörgu en ekki hafði borið árangur. Þyrlan var að koma úr gæsluflugi og fór samstundis á vettvang. Lesa meira

Hlaut verðlaun NATO fyrir framúrskarandi frammistöðu - 22.4.2009

Sérfræðingur sprengjusveitar Landhelgisgæslunnar var nýlega EOD_Technician_on_taskverðlaunaður fyrir framúrskarandi frammistöðu í yfirgripsmikilli NATO æfingu sem haldin var samtímis á fimm stöðum í Evrópu. Tólf þátttakendur af þrjú hundruð talsins hlutu verðlaunin, sem voru afhent formlega af Brigadier General Scott D.West sem er CO (Chief of staff) fyrir Joint Warefare Centre (JWC) NATO.

Okkar maður starfaði innan stjórnstöðvar sem sá um stjórnun æfingarinnar í heild sinni. Kallaðist hún EXCON (Exercise Control) og var í æfingarbúðum JWC í Stavanger í Noregi.

Lesa meira

Seglskútan siglir undir stjórn varðskipsmanna - 20.4.2009

TF-SYN flugvél Landhelgisgæslunnar flaug í dag skuta_vardskip1yfir varðskipið TÝ og skútuna sem í gærkvöldi var stöðvuð af varðskipinu út af SA-landi. Komið var að TÝ og skútunni á stað 63.59.7N - 12.15.8V Skútan siglir á eigin vélarafli undir stjórn varðskipsmanna. Lesa meira

Afrek unnið í sameiginlegri aðgerð Landhelgisgæslu og lögreglu - 20.4.2009

SYN_15_juni_2005
Varðskipið TÝR stöðvaði kl. 22:35 í gærkvöldi för seglskútu djúpt út af SA-landi vegna gruns um stórfellt fíkniefnabrot. Hafði áhöfn TF-SYN fylgt skútunni nær óslitið eftir frá því þeir fundu skútuna kl. 12:30. Var Challenger þota frá danska hernum fengin til að leysa TF-SYN af í um klukkustund meðan farið var til eldsneytistöku á Höfn Hornafirði.

Fjórir sérsveitarmenn fóru í gúmbáti að skútunni og handtóku þrjá menn. Áður hafði lögregla og Landhelgisgæslan verið í talstöðvarsambandi við skútuna, sem hunsaði fyrirmæli um að stöðva og gefast upp. Mennirnir sýndu ekki mótspyrnu. Varðskipið mun færa skútuna til hafnar á Íslandi.

Lesa meira

TF-LÍF æfir notkun slökkviskjólu með slökkviliði Borgarbyggðar - 20.4.2009

slokkt_i_husi1
TF-LÍF þyrla Landhelgisgæslunnar tók um helgina þátt í viðamikilli slökkviliðsæfingu sem skipulögð var að slökkviliði Borgarbyggðar.

Fékk slökkvilið Borgarbyggðar til afnota íbúðarhúsið Fíflholt á Mýrum og æfð voru ýmis slökkvistörf. Eftir hádegi kom þyrlan á staðinn og hafði meðferðis svokallaða slökkvifötu sem rúmar tvö þúsund lítra af vatni og hengd er neðan í þyrluna. Vatninu er síðan gusað yfir logandi svæði eða mannvirki.

Lesa meira

Varðskip stöðvar för seglskútu - 19.4.2009

Tyr,_1421a
Varðskipið TÝR stöðvaði kl. 22:35 í kvöld för seglskútu djúpt út af SA-landi vegna gruns um stórfellt fíkniefnabrot . Sérsveitarmenn fóru frá varðskipinu um borð í skútuna og handtóku þrjá menn sem voru að því loknu færðir um borð í varðskipið. Varðskipið mun færa skútuna til hafnar á Íslandi. Um er að ræða sameiginlega aðgerð Landhelgisgæslunnar, lögreglunnar á höfuðborgarsvæðinu, lögreglunnar á Eskifirði og Sérsveitar Ríkislögreglustjóra sem hófst með handtöku þriggja manna á Austurlandi í gærkvöld. Lesa meira

Flugslysaæfing á Þórshöfn - hvernig ber að umgangast þyrlur í björgunaraðgerðum? - 18.4.2009

TF-LIF-140604_venus
Áhöfn TF-LÍF, þyrlu Landhelgisgæslunnar var á Þórshöfn og Vopnafirði í vikunni með kynningar fyrir viðbragðsaðila um hvernig umgangast ber þyrlur í björgunaraðgerðum. Voru kynningarnar vegna flugslysaæfingar sem haldin var á Þórshöfn. Farið var í eftirlitsflug frá Raufarhöfn fyrir Langanes að Bakkafirði og þaðan á Vopnafjörð. Lesa meira

Eftirlit með karfaveiðum í umsjón gæsluflugvélar og varðskipa Landhelgisgæslunnar - 17.4.2009

Syn og varðskip

Landhelgisgæslan hefur um árabil stundað eftirlit með karfaveiðum innlendra og erlendra skipa á Reykjaneshrygg bæði með gæsluflugvélum og varðskipum. Fyrir nokkrum árum var fjöldi skipa að karaveiðum á þessu svæði frá þjóðum utan NEAFC en með samstilltu átaki aðildarþjóða NEAFC tókst að útrýma þeim og eru nú aðeins skip aðildarþjóðanna á svæðinu.

Í vikunni var haldið námskeið fyrir starfsmenn Landhelgisgæslunnar um NEAFC Scheme of Control and Enforcement, með sérstaka áherslu á sérreglur vegna karfaveiða á Reykjaneshrygg. Umsjón námskeiðisins annaðist Gylfi Geirsson sérfræðingur Landhelgisgæslunnar í málefnum NEAFC.

Lesa meira

TF-LÍF æfir notkun slökkviskjólu - 17.4.2009

bambi_bucket_5

Á fimmtudag fór fram æfing áhafnar TF-LÍF í notkun Bambi Bucket búnaðar (slökkviskjólu). Gekk æfingin vel og mun búnaðurinn mun nýtast sem mikilvægt verkfæri við að ráða niðurlögum elda á svæðum sem farartæki slökkviliðsins geta ekki af einhverjum ástæðum nálgast, má þar nefna sumarbústaðasvæði og sinuelda.  

Fór æfingin fram við Kleifarvatn. Um var að ræða fyrstu æfingu með búnaðinn, en hann var jafnframt kynntur fulltrúum frá slökkviliði höfuðborgarsvæðisins.

Lesa meira

Afli 60% undir mörkum - skyndilokun sett í kjölfarið - 16.4.2009

Týr - myndir apríl 2007
Varðskip Landhelgisgæslunnar hafa að undanförnu verið við eftirlit m.a. á Vestfjarðamiðum. Farið var um borð í fiskiskip og afli þeirra mældur. Kom þar í ljós að afli var um 60% undir mörkum og var því í kjölfarið sett skyndilokun. Auk þess var komið að fiskiskipi staðsettu inni í skyndilokunarhólfi og var skipstjóri áminntur harðlega fyrir verknaðinn. Lesa meira

Þyrla Landhelgisgæslunnar við umferðareftirlit um páskana - 12.4.2009

TF-EIR
Lögreglan á Hvolsvelli var með eftirlit á hálendinu um páskahelgina í samvinnu við Landhelgisgæsluna og var TF-EIR þyrla Landhelgisgæslunnar notuð við eftirlitið. Meðal annars var flogið um Emstrur, Landmannalaugar og yfir Eyjafjallajökul en þar voru margir á ferð eða um 30-40 jeppar. Lesa meira

TF-LÍF í sjúkraflug á Vesturlandi - 10.4.2009

P5310014
TF-LÍF þyrla Landhelgisgæslunnar var í gærkvöldi kölluð út vegna konu sem fengið hafði hjartastopp á hóteli á Vesturlandi. Stjórnstöð Landhelgisgæslunnar barst beiðni um þyrluna kl. 19:29 í gegn um Neyðarlínuna og var flugtak TF-LÍF frá Reykjavíkurflugvelli kl. 19:52.

Á þeim tímapunkti var sjúkrabifreið lögð af stað með konuna til Reykjavíkur en kl. 20:03 lenti þyrlan við Fiskilækjarmýri, beið þar sjúkrabifreiðin og var konan flutt yfir í þyrluna.
Lesa meira

Áhöfn Ægis boðið í leikhús á Þingeyri - 10.4.2009

Áhöfn varðskipsins Ægis barst á skírdag boð frá heimamönnum á Þingeyri um að koma í leikhús bæjarins. Að sjálfsögðu var svo gott boð þegið og fóru 6 áhafnarmeðlimir á sýninguna. Lesa meira

TF-LIF klár í verkefni - 8.4.2009

TF_LIF_Odd_Stefan
Þau ánægjulegu tíðindi bárust í dag frá flugdeild Landhelgisgæslunnar að TF-LÍF er að nýju klár í verkefni eftir að hafa verið í 500 tíma skoðun og bið eftir varahlut frá því í janúar. Eru nú allar þrjár þyrlur Landhelgisgæslunnar, LÍF, GNÁ og EIR til taks ásamt flugvélinni TF-SYN og eru nokkrar æfingar áætlaðar hjá flugdeild yfir páskahelgina. Lesa meira

Þyrla leitar á Faxaflóa eftir tilkynningu um neyðarblys - 8.4.2009

neydablys
Stjórnstöð Landhelgisgæslunnar barst kl. 22:28 í gærkvöldi tilkynning í gegn um Neyðarlínuna um að neyðarblys hefði sést á lofti norður frá Eiðistorgi. Þyrla Landhelgisgæslunnar TF-GNÁ var við næturæfingar við Straumsvík með björgunarskipinu Einari Sigurjónssyni og fór samstundis til leitar. Lesa meira

Þyrla Landhelgisgæslunnar stóð bát að meíntum ólöglegum veiðum - 7.4.2009

EIR

Í gærdag stóð þyrla Landhelgisgæslunnar TF-EIR dragnótabát að meintum ólöglegum veiðum.

Báturinn var að veiðum á svæði þar sem dragnótaveiðar eru ekki heimilar vestur af Sandgerði samkvæmt reglugerð um  um friðun hrygningarþorsks.

Lesa meira

Öflugasta björgunar- og dráttarskip á Norðurslóðum - 6.4.2009

Vardskip_smidi_3D_teikning_2

Varðskipið Þór verður sjósett þann 29. apríl nk.

Nýtt varðskip fyrir Landhelgisgæsluna verður sjósett miðvikudaginn 29. apríl nk. í Asmar skipasmíðastöð sjóhersins í Chile. Verkið hefur gengið vel og allar kostnaðaráætlanir hafa hingað til staðist fullkomlega.  Samkvæmt smíðasamningi nemur kostnaður 30 milljónum evra.  Áætluð afhending skipsins er við upphaf næsta árs. 

Lesa meira

Þyrlur Landhelgisgæslunnar í viðbragðsstöðu - 5.4.2009

TF_LIF_Odd_Stefan
Þyrlur Landhelgisgæslunnar voru í dag settar í viðbragðsstöðu vegna tilkynningar um reyk í flugstjórnarklefa erlendrar farþegaþotu yfir Atlantshafi. Á þriðja hundrað manns voru um borð. Stjórnstöð Landhelgisgæslunnar barst tilkynning frá Flugstjórnarmiðstöðinni í Reykjavík klukkan 13:55 um að farþegaflugvél í yfirflugi yfir Atlantshafi hafi verið snúið til Keflavíkurflugvallar þar sem flugmenn þotunnar hafi tilkynnt um reyk í flugstjórnarklefa. Lesa meira

TF-EIR í sjúkraflug NA af Hveravöllum - 4.4.2009

Þyrla Landhelgisgæslunnar TF-EIR var kölluð út í sjúkraflug um kl. 18:30 í kvöld. Beiðnin barst frá skíðafólki sem var staðsett við Dúfnunesfell sem er um 6 km. NA af Hveravöllum. Hafði maður úr hópnum  fengið aðsvif og sjóntruflanir,. Mat læknir á þyrluvakt Landhelgisgæslunnar að ekki væri ráðlegt að bíða með læknisaðstoð. Var þetta annað útkall þyrlunnar í dag. Lesa meira

Tvær þyrlur Landhelgisgæslunnar í björgunaraðgerðum - 4.4.2009

TF-GNA
Þyrlur Landhelgisgæslunnar TF-EIR og TF-GNA voru kallaðar út kl. 12:59 í dag þegar stjórnstöð Landhelgisgæslunnar barst beiðni frá Kristbjörgu HF-177 sem var vélarvana með fimmtán manns um borð um eina sjómílu suður af Krísuvíkurbjargi. Sunnanátt var á staðnum og rak bátinn í átt að berginu. Lesa meira

Við gefum ekki afslátt af öryggi - 3.4.2009

Gasflutningaskip_TF_LIF_13022008
Í mars sl. birtu flugstjórar Landhelgisgæslunnar faglegt mat sitt á getu flugdeildarinnar með tilliti til núverandi þyrlukosts, mönnunar og viðhalds. Erindi þetta var kynnt fjölmiðlum en þar er fjallað um drægni þyrlna miðað við mismunandi aðstæður og að gætt sé fyllsta öryggis. Mat flugstjóra Landhelgisgæslunnar gefur til kynna að þrátt fyrir samdrátt í rekstri flugdeildar er það ófrávíkjanlegt að enginn afsláttur verður gefinn á öryggismálum flugrekstrarins. Lesa meira

Bylting í öryggis- og björgunarmálum Íslendinga - 3.4.2009

Dash8_smidi_jun2008_2
Ný flugvél Landhelgisgæslunnar TF-SIF kemur til landsins þann 9. júlí og er það nokkuð á undan áætlun. Smíði flugvélarinnar hefur gengið ævintýralega vel miðað við að þarna er á ferðinni fullkomnasta eftirlitsflugvél þessarar tegundar í heiminum. Vélin er af gerðinni Dash-8 Q300 og eru samskonar flugvélar notaðar hjá strandgæslum og eftirlits- og björgunaraðilum víða um heim.  Vélin verður afhent Landhelgisgæslunni til prófana þann 9. júní og er svo áætluð til landsins þann 9. júlí eins og áður segir. Lesa meira

Sprengjusérfræðingar LHG gera riffilsprengju óvirka - 1.4.2009

RiffSprengjan
Stjórnstöð barst kl. 18:10 beiðni frá Neyðarlínunni um að Sprengjudeild Landhelgisgæslunnar yrði kölluð út vegna torkennilegs hlutar sem fannst á Hólmsheiði. Sá sem fann hlutinn tók hann með sér heim og bar fjölskyldumeðlimur kennsl á hann og taldi að um væri að ræða sprengju. Sérfræðingar sprengjudeildar Landhelgisgæslunnar staðfestu grun hans en um er að ræða riffilhandsprengju frá seinni heimstyrjöldinni en á Hólmsheiði er gamalt heræfingasvæði. Lesa meira