Georg Kr. Lárusson forstjóri Landhelgisgæslu Íslands tók á dögunum við formennsku í samtökum strandgæslna á Norður-Atlantshafi, North Atlantic Coast Guard Forum, fyrir hönd Landhelgisgæslunnar, á ársfundi sem haldin var í Kaupmannahöfn í Danmörku.
Að samtökunum standa strandgæslur ríkja við Norður-Atlantshaf og er markmið samtakanna fyrst og fremst að samhæfa og samræma aðgerðir á hafinu.
Formennska Íslands í samtökunum felst í að stýra og móta stefnu samtakanna hvað varðar öryggi á hafinu en formennskutími hvers lands er eitt ár í senn. Snorre Greil, sérfræðingur á aðgerðasviði Landhelgisgæslunnar, kynnti áherslur Íslands á formennskutímanum.
Á fundinum var með annars farið yfir stöðuna á sviði öryggismála á Norður-Atlantshafi, helstu þróun á sviði leitar og björgunar, fiskveiðieftilits, smyglmála, notkun gervigreindar o.f.l.
Þá var jafnframt rætt um stöðu heimsmála, drónavarnir, eftirlit með skuggaflota sem og önnur mál er varða öryggi siglinga á Norður-Atlantshafi.
Georg Lárusson og Auðunn F. Kristinsson á fundinum í Kaupmannahöfn.
Georg Lárusson flutti ræðu þegar hann tók við formennskunni fyrir hönd Landhelgisgæslu Íslands.
Snorre Greil og Guðný Elísabet Briem Óladóttir, fyrir miðju.
Ljósmyndir: @tobiasterman
