Siglingaviðvaranir innihalda viðvaranir til sjófarenda sem eru í virkum útlestri og útsendingu á NAVTEX.
Jafnframt er hægt að skoða eldri/óvirkar viðvaranir sem hafa verið felldar niður eða birtar sem Tilkynningar til sjófarenda.
Stjórnstöð Landhelgisgæslu Íslands, sem er með sólarhringsvakt, sendir út siglingaviðvaranir og viðheldur þessu yfirliti.

Í Tilkynningum til sjófarenda eru einnig birtar ýmsar tilkynningar og aðvaranir er varða siglingar. Leiðréttingar á Vitaskrá eru birtar þar en Vitskrá er uppfærð samhliða. Ritið er gefið út eftir þörfum en að jafnaði í lok hvers mánaðar.

Listi yfir gild sjókort og tilkynningar til sjófarenda í þau hefur að geyma upplýsingar um sjókort sem eru í gildi á hverjum tíma. Jafnframt er í listanum getið um leiðréttingar á sjókortunum.

Lykillinn að því að finna tilkynningar í tiltekið sjókort er að fara í listann yfir tilkynningar og finna þar viðkomandi kort og sjá þannig hvort um einhverjar tilkynningar er að ræða og þá hvaða.

Heimilt er að tengjast þessu efni með hlekk eða tengli, óheimilt er með öllu að afrita og endurbirta með öðrum hætti.