Áhöfnin á varðskipinu Freyju sinnir nú eftirliti á hafsvæðinu umhverfis landið. Freyja hefur verið í flota Landhelgisgæslunnar frá árinu 2021 og reynst afar vel.
Varðskipið er að miklu leyti sambærilegt varðskipinu Þór hvað stærð og aðbúnað varðar en býr yfir meiri dráttargetu.
Á dögunum var Freyja í Eyjafirði og við það tækifæri náði Þorgeir Baldursson þessum glæsilegu myndum af skipinu.
