Þyrlusveit fékk kynningu á björgunarskipinu Þór
12.6.2023 Kl: 12:46
Þyrlusveit Landhelgisgæslunnar og Björgunarfélag Vestmannaeyja héldu sameiginlega æfingu í Eyjum á laugardag. Fjórir liðsmenn björgunarfélagsins voru sóttir á flugvöllinn og þaðan var flogið út í Elliðaey þar sem björgunarsveitarmönnunum var slakað úr þyrlunni í lykkju.
Að hífingum loknum fékk áhöfnin á þyrlunni kynningu á björgunarskipinu Þór. Farin var stutt ferð á skipinu út fyrir hafnarmynnið þar sem þyrlusveitinni gafst kostur á að skoða og fræðast um þetta nýja og glæsilega skip.
Æfingar sem þessar eru sérlega mikilvægar þar sem þær styrkja samskipti og gefa mikilvæga innsýn inn í störf hvor annars.
Ljósmyndir: Óskar Pétur Friðriksson
TF-GNA, þyrla Landhelgisgæslunnar, á flugvellinum í Vestmannaeyjum.
Kennsla við að dæla eldsneyti á þyrluna.
Sigmanni þyrlusveitarinnar slakað niður í Elliðaey.
Hífingar.
Tryggvi Steinn Helgason, flugmaður.
Um borð í björgunarskipinu Þór.
TF-GNA á flugi.
