Æft með franskri freigátu í Eyjafirði

Áhöfnin á TF-GRO hélt sameiginlega æfingu með frönsku freigátunni Beautemps-Beaupré á dögunum.

19.8.2020 Kl: 15:50

Áhöfnin á TF-GRO hélt sameiginlega æfingu með frönsku freigátunni Beautemps-Beaupré á dögunum. Æfingin fór fram í Eyjafirði og þegar TF-GRO kom á svæðið hófust hífingar. Þær fóru fram á afturdekki skipsins og gengu eins og í sögu. 

Að sjálfsögðu var vel hugað að sóttvörnum en franska skipið er búið að vera hér við land síðan í júní. Um er að ræða hafrannsóknarskip sem kemur hingað reglulega og stundar rannsóknir í Norðurhöfum.

Þá er gaman að geta þess að um borð í frönsku freigátunni er sjóliðsforingi sem er menntaður í sjómælingum og var í starfsnámi hjá Landhelgisgæslunni fyrir þremur árum.

Beautemps-Beaupré.Sigmaður Landhelgisgæslunnar.