Landhelgisgæslunni boðið til æfingar með færeysku landhelgisgæslunni og danska sjóhernum.
20.10.2022 Kl: 10:16
Áhöfnin á varðskipinu Þór æfði í gær með áhöfnum Brimils,
varðskips færeysku landhelgisgæslunnar, og Vædderen, varðskips danska
sjóhersins, við strendur Færeyja. Landhelgisgæslunni var formlega boðið til
æfingarinnar fyrr í mánuðinum.
Æfingin hófst á reykköfunaræfingu þar sem leitað var að
þremur týndum skipverjum. Áhöfn Þórs bjargaði skipverjunum og kom til
læknateymis Vædderen sem sá um aðhlynningu.
Að reykköfunaræfingu lokinni fór fram dráttaræfing þar sem
Vædderen dró varðskipið Þór. Að æfingu lokinni fór fram viðrun þar sem rýnt var
í æfinguna sem þótti takast sérlega vel.
Línu skotið á milli Vædderen og Þórs.
Hásetar að æfingu lokinni.
Glatt á hjalla.
Æfingin heppnaðist vel.
Vædderen tekur Þór í tog.
