Áhöfn Freyju tók tvo báta í tog

31.5.2023 Kl: 11:20

Áhöfnin á varðskipinu Freyju aðstoðaði skipstjóra tveggja fiskibáta sem lentu í vandræðum þegar þeir voru á veiðum úti fyrir Rifi um hádegisbil í gær. Annar báturinn varð vélarvana og þegar hinn ætlaði að veita honum aðstoð fékk sá tóg í skrúfuna. Varðskipið Freyja var skammt frá og var kölluð út til aðstoðar. Farið var á léttbátum Freyju, bátarnir teknir í tog og farið með þá að bryggju á Rifi. Þar var tógin skorin úr skrúfunni og að því búnu hélt áhöfn Freyju aftur um borð í varðskipið.

Ljósmyndir: Guðmundur St. Valdimarsson

Tógin skorin úr.

Bátarnir tveir voru teknir í tog. 

Farið var með þá á Rif.