Fjörutíu ár liðin frá því að TF-RAN fórst

Vélin fórst með allri áhöfn. Þyrlusveit Landhelgisgæslunnar minntist þeirra sem fórust í sérstöku minningarflugi í dag.

8.11.2023 Kl: 13:00

Í dag eru fjörutíu ár liðin síðan TF-RAN, þyrla Landhelgisgæslunnar, fórst í Jökulfjörðum með allri áhöfn. Slysið varð skömmu eftir flugtak þyrlunnar frá varðskipinu Óðni undan Kvíum á Jökulfjörðum að kvöldi 8. nóvember 1983.

 
Í áhöfn þyrlunnar voru flugstjórarnir Björn Jónsson og Þórhallur Karlsson auk Sigurjóns Inga Sigurjónssonar stýrimanns og Bjarna Jóhannessonar flugvélstjóra.
TF-RAN, kom í flugflota Landhelgisgæslunnar árið 1980. Þyrlan var sérhönnuð til leitar-, björgunar-, löggæslu- og eftirlitsstarfa. Hún var af gerðinni Sikorsky S-76 og fékk kallnúmerið TF-RAN.

Þyrlusveit Landhelgisgæslunnar fór í sérstakt flug vestur í Jökulfirði í morgun þar sem þeirra sem fórust í þessu hörmulega slysi var minnst. Ljósmynd: Árni Sæberg.

Blómsveigurinn sem lagður var í Jökulfjörðum. Ljósmynd: Árni Sæberg.

Jökulfirðir. Ljósmynd: Árni Sæberg.

Bjarni Jóhannsson, flugvélstjóri, og Björn Jónsson, flugstjóri. 
Þórhallur Karlsson, flugstjóri. 
Sigurjón Ingi Sigurjónsson, stýrimaður.