Fullkominn búnaður Freyju nýttur til að sleppa öldumælisdufli á Grímseyjarsundi

Varðskipið Freyja sinnti eftirliti og verkefnum á hafinu umhverfis Ísland.

14.1.2022 Kl: 12:03

Undanfarna daga hefur áhöfnin á varðskipinu Freyju annast eftirlit með lögsögunni. Í vikunni var öldumælisdufli á vegum siglingasviðs Vegagerðarinnar sleppt á Grímseyjarsundi. Varðskipið Freyja er vel búið krönum og við aðgerðina voru brautarkranar skipsins notaðir sem og sleppikrumlur krananna til að koma duflinu og legufærinu fyrir í sjónum. 

Friðrik Höskuldsson, skipherra, nýtti svokallað DP kerfi skipsins til að halda því nákvæmlega á þeim stað sem duflinu var sleppt. Búnaður Freyju gerir verkefni sem þetta mun skilvirkara og öruggara fyrir áhöfnina. 

Í ferðinni var fjareftirlit haft með fiskiskipum, þar á meðal uppsjávarveiðiskipum norðaustur af Langanesi en skipin voru þar á loðnuveiðum. Vegna fjölda Covid-19 smita í samfélaginu var ekki farið um borð í skipin að þessu sinni. 

Varðskipið Freyja lagðist svo að Óskarsbryggju á Siglufirði síðdegis í gær.

Ljósmyndir: Guðmundur St. Valdimarsson.

Öldumælisdufli sleppt Öldumælisdufli sleppt.

Friðrik Höskuldsson, skipherra, nýtti DP búnað Freyju svo sleppa mætti duflinu nákvæmlega.

Duflið 

Afturþilfar varðskipsins Freyju. 

Hluti áhafnar Freyju með öldumælisduflið. 

Legufærið. 

Freyja í höfn á Húsavík.

Freyja fer frá Akureyri.

Fjareftirlit með loðnuveiði.

Aðalbjörn, gæslubangsi, var með að þessu sinni.