Ganga, hjóla og hlaupa hringinn í Skógarhlíð
Varðstjórar stjórnstöðvar Landhelgisgæslunnar, Neyðarlínunnar og fjarskiptamiðstöðvar ríkislögreglustjóra safna nú áheitum með því að ganga, hlaupa og hjóla hringinn í kringum landið á starfstöðvum sínum í Skógarhlíð í Reykjavík.
14.4.2020 Kl: 14:22
Varðstjórar stjórnstöðvar Landhelgisgæslunnar, Neyðarlínunnar og fjarskiptamiðstöðvar ríkislögreglustjóra (FMR) safna nú áheitum með því að ganga, hlaupa og hjóla hringinn í kringum landið á starfstöðvum sínum í Skógarhlíð í Reykjavík. Þetta gera varðstjórarnir með skrifstofugöngubrettum og útihlaupum.
Tilgangur þessa frábæra framtaks er að safna áheitum sem fara óskipt til Vonar, styrktarfélags gjörgæslunnar í Fossvogi.
Vonandi sjá margir sér fært að heita á varðstjórana en það má gera með því að leggja inn á reikning 0586-14-000609, kt 1305893409.
Jón Árni Árnason, varðstjóri í stjórnstöð Landhelgisgæslunnar, arkar hringinn.Assa Sólveig Jónsdóttir á Neyðarlínunni arkar í Skógarhlíð. Jón Bjarni Geirsson hjá lögreglunni.