Góð sjósókn á þjóðhátíðardaginn og fljótandi 15 metra trjádrumbur

Í hádeginu í gær voru 822 skip og bátar á sjó.

18.6.2020 Kl: 16:26

Margir vörðu þjóðhátíðardeginum á sjó miðað við tölur úr kerfum stjórnstöðvar Landhelgisgæslunnar. Í hádeginu í gær voru 822 skip og bátar á sjó. Veðrið var með besta móti víðast hvar á landinu auk þess sem strandveiðitímabilið stendur sem hæst. Varðstjórar í stjórnstöð Landhelgisgæslunnar höfðu því í nógu að snúast.

Um borð í varðskipinu Þór var þjóðhátíðardagurinn nokkuð hefðbundinn en þar bar helst til tíðinda að skipið sigldi fram á stóran trjádrumb sem flaut á Breiðafirði. Drumburinn sem var 15 metra langur var hífður um borð í varðskipið þar sem hann hefði auðveldlega gata orðið til vandræða fyrir minni skip og báta. 

Trjádrumburinn stóri.Kominn um borð.Trjádrumburinn.