30. júní, 2023
Kynnti sér helstu verkefni Landhelgisgæslunnar
30.6.2023 Kl: 12:39
Georg Kr. Lárusson, forstjóri Landhelgisgæslunnar, tók á fimmtudag á móti Guðrúnu Hafsteinsdóttur, dómsmálaráðherra, og samstarfsfólki í nýju flugskýli Landhelgisgæslunnar á Reykjavíkurflugvelli.
Guðrún kynnti sér fjölbreytta starfsemi Landhelgisgæslunnar og helstu verkefni stofnunarinnar.
Í nýja flugskýlinu var þyrlukostur Landhelgisgæslunnar skoðaður. Einnig heilsaði Guðrún upp á áhöfnina á TF-SIF sem var að undirbúa eftirlitsflug um hafsvæðið umhverfis landið.
Landhelgisgæslan þakkar Guðrúnu og samstarfsfólki kærlega fyrir komuna.
Guðrún Hafsteinsdóttir, dómsmálaráðherra, heilsaði upp á áhöfnina á TF-SIF.
Guðrún kynnti sér starfsemi Landhelgisgæslunnar.
Guðrún Hafsteinsdóttir skoðar nýtt flugskýli Landhelgisgæslunnar.
Guðrún Hafsteinsdóttir og Georg Lárusson.
