Hreinsunarstarf í höfninni á Flateyri

Áhöfnin á varðskipinu vann að hreinsun hafnarinnar á Flateyri í dag.

17.1.2020 Kl: 20:33

Varðskipið Þór er áfram til taks við Flateyri. Dagurinn hófst á fundi áhafnarinnar með fulltrúum Umhverfisstofnunar, Náttúruhamfaratrygginga og Sætækni ásamt hafnarstjóra Ísafjarðarbæjar þar sem farið hvernig standa ætti að hreinsun hafnarinnar og skipsflaka. 

Eftir hádegi hófst áhöfnin á Þór svo handa við hreinsun ásamt björgunarsveitarmönnum. Varðskipsmenn fóru á tveimur léttbátum frá varðskipinu og allskyns munir voru hreinsaðir úr höfninni. Þar á meðal voru fiskiker, gúmmíbjörgunarbátar, plaströr og fleira. Mest allt var svo híft með krana varðskipsins upp á bryggju. 

Annar fundur var haldinn í kvöld þar sem farið var yfir hvernig standa eigi að áframhaldandi hreinsunarstarfi í höfninni á morgun.

Mest allt var svo híft með krana varðskipsins upp á bryggju. Áhöfnin á Þór og björgunarsveitir unnu að hreinsunarstarfi á léttbátum í höfninni á Flateyri.Brak flutt með léttbát varðskipsins. Áhöfnin á varðskipinu Þór í höfninni í dag. Gúmmíbjörgunarbátur hífður upp.Áhöfnin á varðskipinu með gúmmíbjörgunarbát.