Íslenski fáninn dreginn að húni á Freyju

Íslenski fáninn dreginn að húni á Freyju í fyrsta sinn.

1.11.2021 Kl: 19:09

Einar H. Valsson, skipherra, dró íslenska fánann að húni á varðskipinu Freyju í fyrsta sinn í morgun að viðstaddri áhöfn skipsins. Í kjölfarið dró Friðrik Höskuldsson, yfirstýrimaður, stafnfánann upp. Þá var bráðabirgðamerkingu komið upp með nafni skipsins þar sem ekki tókst að koma varanlegu merkingunum til Rotterdam í tæka tíð. 

Áhöfn skipsins leggur af stað til Íslands frá Rotterdam á morgun og er gert ráð fyrir að varðskipið Freyja verði komið til Siglufjarðar á öðrum tímanum á laugardag.

Íslenski fáninn kominn upp á varðskipinu Freyju.

Hluti af áhöfn skipsins í Rotterdam í morgun.

Einar H. Valsson, skipherra, heilsar íslenska fánanum.