Leitað fram í myrkur
15.8.2019 Kl: 18:13
Þrír kafarar frá séraðgerða- og sprengjueyðingarsveit
Landhelgisgæslunnar hafa verið kallaðir út til leitar að belgíska ferðamanninum
sem talinn er hafa fallið í Þingvallavatn. Þeir bætast í hóp kafara frá
björgunarsveitum og lögreglu sem leitað hafa í vatninu í dag. Kafararnir lögðu
af stað með slöngubát og annan búnað nú síðdegis en gert er ráð fyrir að leitað
verði fram í myrkur.
Myndirnar sem fylgja
með eru af köfurunum fyrir brottför.
