Landhelgisgæslan aðstoðar lögreglu við öryggisgæslu vegna leiðtogafundarins

Annasamur og eftirminnilegur dagur.

16.5.2023 Kl: 15:08

Dagurinn hefur verið eftirminnilegur og annasamur hjá Landhelgisgæslunni sem aðstoðar lögreglu við öryggisgæslu vegna leiðtogafundar Evrópuráðsins sem fram fer í Reykjavík.
Áhöfnin á TF-SIF, eftirlitsflugvél Landhelgisgæslunnar, hefur sinnt eftirliti úr lofti en vélin var kölluð fyrr til landsins úr verkefnum fyrir Frontex vegna fundarins.

 
Þá hafa þyrlur Landhelgisgæslunnar einnig verið á flugi um höfuðborgarsvæðið, séraðgerðasveit komið að sprengjuleit og öryggisgæslu, áhöfnin á varðskipinu Þór verið til taks við Reykjavík auk þess sem starfsmenn varnarmálasviðs hafa staðið í ströngu undanfarna daga.

Meðfylgjandi mynd tók Árni Sæberg, ljósmyndari Morgunblaðsins, af TF-SIF í morgun þegar hún tók á loft frá Reykjavík.

TF-GRO á öryggissvæðinu á Keflavíkurflugvelli.