Stjórnstöð Landhelgisgæslunnar barst neyðarkall frá erlendu flutningaskipi á sjöunda tímanum í gærmorgun
2.3.2022 Kl: 11:25
Stjórnstöð
Landhelgisgæslunnar barst neyðarkall frá erlendu flutningaskipi á sjöunda
tímanum í gærmorgun sem var á leið frá Sandgerði til Evrópu en töluverður leki
var kominn að skipinu. Skipið var miðja vegu á milli Íslands og Færeyja og var óttast
að skipið væri hugsanlega að sökkva.
Þegar í stað var varðskipið Þór, tvær
þyrlur Landhelgisgæslunnar og áhöfnin á TF-SIF kölluð út sem og varðskip og
björgunarþyrlur frá Færeyjum en skipið var innan leitar- og björgunarsvæðis
Færeyja á hafinu.
Betur fór en á horfðist og tókst áhöfn flutningaskipsins að
sigla því til hafnar í Fuglafirði. Viðbragð Landhelgisgæslunnar og færeyskra
viðbragðsaðila var þá afturkallað.
