Áhöfnin á varðskipinu Þór tókst að draga línubátinn Núp af strandstað.
26.11.2018 KL: 10:05
Varðskipið Þór náði línubátnum Núpi á flot í Patreksfirði á
tíunda tímanum í morgun. Varðskipið var sent vestur eftir að tilkynning barst
um strandið í gærkvöld og hóf áhöfn þess þegar í stað undirbúning við að ná
skipinu af strandstað. Taug var komið fyrir á milli skipanna og þegar færi
gafst í morgunflóði var Núpi komið á flot. Björgunarskipið Vörður dregur Núp
síðasta spölinn inn í Patreksfjarðarhöfn þar sem skemmdir verða kannaðar.
Meðfylgjandi eru myndir frá aðgerðum morgunsins.
Áhöfnin á Þór kom taug á milli skipanna.
Núpur var dreginn af strandstað á tíunda tímanum í morgun en hann strandaði í gærkvöld.
Línubáturinn Núpur.
Áhöfnin á varðskipinu Þór að störfum. Myndir: Bergvin Gíslason.
