Hefðbundin dagskrá hjá Landhelgisgæslunni þrátt fyrir að hátíðahöld hafi verið með óhefðbundnu sniði.
7.6.2020 Kl: 22:00
Hátíðahöld á Sjómannadaginn voru nokkuð óhefðbundin en starfsfólk Landhelgisgæslunnar hélt þó í hefðirnar. Í Dómkirkjunni fór fram Sjómannadagsmessa þar sem Hekla Jósepsdóttir, Hallbjörg Erla Fjeldsted og Guðjón Arnar Elíasson lásu ritningarorðin. Dagskráin var með hátíðlegasta móti.
Varðskipið Týr var við bryggju á Ísafirði og áhöfnin fór prúðbúin til útimessu. Hluti þyrlusveitar borðaði kvöldverð um borð í varðskipinu en TF-GRO, þyrla Landhelgisgæslunnar, var í grenndinni. Varðskipið Týr var að sjálfsögðu tengt við landrafmagn og slökkt á öllum vélum.
Þá var sjómælingaskipið Baldur við bryggju á Grundarfirði.
Týr við bryggju á Ísafirði.
Áhöfnin á Tý fór prúðbúin til útimessu.
Að lokinni Sjómannadagsmessu í Reykjavík. 
Um borð í Tý.
Hefð er fyrir því að starfsfólk Landhelgisgæslunnar og gestir hennar borði saman að lokinni messu.
Baldur við bryggju.
Myndir: Guðmundur St. Valdimarsson, ÁLA, og Guðmundur Birkir Agnarsson.
