Slösuð kona hífð um borð í TF-GRO
Áhöfnin á TF-GRO hífði slasaða konu um borð í þyrluna rétt fyrir neðan Hvannadalshnjúk.
19.5.2020 Kl: 21:14
Áhöfnin á TF-GRO hífði slasaða konu um borð í þyrluna rétt fyrir neðan Hvannadalshnjúk á áttunda tímanum í kvöld. Henni var svo komið undir læknishendur í Reykjavík. TF-GRO lenti á Reykjavíkurflugvelli laust fyrir klukkan níu þar sem sjúkrabíll beið og flutti konuna á Landspítalann til aðhlynningar.
